საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის სოზარ სუბარის განცხადებით, ინტერნეტზე ხელმისაწვდომობა პირველად კონსტიტუციით დარეგულირდება.

მისივე თქმით, ჩანაწერი, რომელიც კონსტიტუციის მეორე თავში გაკეთდება,  გულისხმობს სახელმწიფოს ვალდებულებას, გარკვეული პოზიტიური ნაბიჯები გადადგას ინტერნეტის ხელმისაწვდომობის კუთხით და მეორეს მხრივ,  გულისხმობს მოქალაქეების უფლებას, სასამართლოშიც კი  დაიცვან უფლება, ჰქონდეთ ინტერნეტზე ხელმისაწვდომობა:

„მხოლოდ რამდენიმე ქვეყანაშია, კონსტიტუციის მეორე თავში იქნება ეს ჩანაწერი, რაც  გულისხმობს სახელმწიფოს ვალდებულებას, გარკვეული პოზიტიური ნაბიჯები გადადგას ინტერნეტის ხელმისაწვდომობის კუთხით და მეორეს მხრივ, ეს გულისხმობს, მოქალაქეების უფლებას, რომ სასამართლოშიც კი  დაიცვან უფლება, ჰქონდეთ ინტერნეტზე ხელმისაწვდომობა. სახელმწიფოს ვალდებულებები იზრდება ძალიან სერიოზულად. საქართველო ის სახელმწიფოა, სადაც  წინა არჩევნებზე ვთქვით, ვახორციელებთ გეგმას და    ჩვენ პრაქტიკულად მთელი საქართველო უნდა მოვიცვათ  სწრაფი და ხელმისაწვდომი ინტერნეტით მთელი მოსახლეობისთვის“,-აღნიშნა სუბარმა და დასძინა, რომ აშშ-ს პრეზიდენტობის კანდიდატ ჰილარი კლინტონსაც თავის დროზე იგივე პროგრამა ჰქონდა:

„გასულ წელს იყო არჩევნები შეერთებულ შტატებში და ერთ-ერთ საპრეზიდენტო კანდიდატს ჰილარი კლინტონს ჰქონდა იგივე პროგრამა. თუ ის გაიმარჯვებდა, ამას გააკეთებდა მთელი ამერიკისთვის, რასაც ჩვენ ვახორციელებთ“,-განაცხადა სოზარ სუბარმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები