საქართველოს საგარეო საქმეთა მინისტრის პირველი მოადგილის დავით ზალკალიანის განცხადებით, კონგოში ტყვედ აყვანილ ქართველ მფრინავთან დაკავშირებით, უწყებას რაიმე  ახალი ინფორმაცია არ აქვს.

როგორც მან თემის კომენტირებისას ჟურნალისტებს განუცხადა, სიახლის შემთხვევაში, საზოგადოებას აუცილებლად აცნობებენ:

„სიახლე არაფერია.  იცით, რომ საგარეო საქმეთა სამინისტრო თავიდანვე ჩართული იყო ამ პროცესში. იყო ჩართული ჩვენი ელჩის მეშვეობით. მუდმივად ვიყავით  კომუნიკაციაში კონგოში გაეროს წარმომადგენლობასთან, ასევე წითელ ჯვართან, ჩვენი ელჩი იმყოფებოდა კიდევაც  კონგოში და ყველა ის ინფორმაცია, რომელსაც შესაბამისი სტრუქტურებიდან ვიღებდით, იყო გაზიარებული ოჯახთანაც. პროცესის დასაწყისიდან, მას შემდეგ, რაც ჩაერთო საგარეო საქმეთა სამინისტრო, იყო მუდმივად კომუნიკაციაში  როგორც აფრიკაში წარმომადგენლებთან, ასევე  ოჯახთან. ჩვენ შემდგომ პროცესებს აუცილებლად შეგატყობინებთ, თუკი რაიმე  განვითარება მოჰყვა ამ პროცესს“,-განაცხადა დავით ზალკალიანმა.

შეგახსენებთ, რომ 23 იანვარს კონგოში ადგილობრივმა მეამბოხეებმა ქართველი მფრინავი სოსო ოსურაული ტყვედ აიყვანეს. მათ სამხედრო-საჰაერო ძალების ორი შვეულმფრენი ჩამოაგდეს, ერთ-ერთს სწორედ ოსურაული მართავდა. სოსო ოსურაული თავდაცვის სამინისტროს შეიარაღებული ძალებიდან 2015 წელს საკუთარი განცხადების საფუძველზე წავიდა და მუშაობა კონგოში, კერძო საავიაციო კომპანიაში დაიწყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები