საქართველოს პარლამენტში კონსტიტუციური კანონის პროექტის საკომიტეტო განხილვები გრძელდება.

დღეს, კონსტიტუციური კანონის პროექტი პარლამენტის თავმჯდომარემ  თავდაცვისა და უშიშროების კომიტეტზე წარადგინა.

კომიტეტის სხდომაზე კონსტიტუციური ცვლილებების ის ნაწილი განიხილეს, რომელიც სწორედ თავდაცვასა და უშიშროებას ეხება.

გამოითქვა შენიშვნა პროექტში  არსებულ ჩანაწერთან დაკავშირებით-„სამხედრო და სხვა შეიარაღებული ძალები“ და აღინიშნა, რომ უმჯობესია, „სხვა შეიარაღებული ძალები“ შეიცვალოს „თავდაცვის ძალებით“.

ამასთან, საკმაოდ აქტიური მსჯელობა მოჰყვა ეროვნული  უშიშროების საბჭოს გაუქმების საკითხს.  პარლამენტის თავმჯდომარეს, კონსტიტუციურ ცვლილებებზე მომუშავე კომისიის ხელმძღვანელ ირაკლი კობახიძესა და ეროვნული უშიშროების საბჭოს მდივანს შორის მცირე კამათიც მოხდა. დავით რაქვიაშვილი უშიშროების საბჭოს გაუქმებას ეწინააღმდეგება.

„საქმე არ აქვს დღეს უშიშროების საბჭოს, გამომდინარე იმ  რეგულაციებიდან, რომელიც არის წარმოდგენილი დღეს კონსტიტუციაში იმიტომ, რომ ისეთი კომპეტენცია აქვს მინიჭებული უშიშროების საბჭოს, რომელიც რეალურად ვერ განხორციელდება უშიშროების საბჭოს მიერ. აქედან გამომდინარე, უშიშროების საბჭოს რეალურად საქმე არ აქვს. ეს არის დღევანდელი მდგომარეობა. აბსოლუტურად არაეფექტურია  ორგანო. მე ვარ თვითონ უშიშროების საბჭოს წევრი, ვმონაწილეობ მის სხდომებში და ვიღებ ინორმაციებს უშიშროების საბჭოდან, ეს ორგანო უნდა გაუქმდეს და ჩანაცვლდეს ეროვნული თავდაცვის საბჭოთი, როომელიც იქნება ქმედითი ორგანო და უზრუნველყოფს საერთო კოორდინაციას საომარი მდგომარეობის დროს. მე მომიწია შენიშვნის მიცემა უშიშროების საბჭოს მდივნისთვის და იმის შეხსენება, რომ საქართველოს პრლამენტის წევრი არის სახელწმიფო პოლიტიკური პირი და უშიშროების საბჭოს მდივანი,  არ არის სახელმწიფო პოლიტიკუირ თანამდებობის პირი, სამწუხაროდ ეს არ იციან უშიშროების საბჭოში“,-აღნიშნა კობახიძემ.

ეროვნული უშიშროების საბჭოს მდივანი არ დაეთანხმა განცხადებას, რომ დღეს უშიშროების საბჭოს საქმე არ აქვს.

მიმდინარე კვირის განმავლობაში კონსტიტუციური კანონის პროექტის საკომიტეტო მოსმენები გაიმართება, რის შემდეგაც კონსტიტუციური კანონის პროექტს კანონმდებლები პირველი მოსმენით, რიგგარეშე პლენარულ სხდომაზე განიხილავენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები