ოკუპირებული ცხინვალის გავლით ტვირთების ტრანზიტზე ანატოლი ბიბილოვის ინიციატივას, კრემლი მხარს უწერს, - ამის შესახებ რუსეთის ფედერაციის საგარეო საქმეთა სამინისტროს განცხადებაშია ნათქვამი.

რუსეთის საგარეო უწყება, ოფიციალურ თბილისს მოუწოდა დე-ფაქტო რესპუბლიკის მაგალითს მიჰყვეს, 

„მივესალმებით ამ კონსტრუქციულ და პასუხისმგებლიან პოზიციას, რომელიც რეგიონის ყველა ქვეყნის ინტერესების გათვალისწინებით ამიერკავკასიაში სავაჭრო-ეკონომიკური კომუნიკაციების სისტემის განვითარების რეალურ პერსპექტივას ხსნის. მოვუწოდებთ თბილისსაც, გამოაჩინოს მსგავსი კონსტრუქციული განწყობა“, - აღნიშნულია განცხადებაში.

უწყების განცხადებაში საუბარია 2011 წელს გაფორმებულ შეთანხმებაზე, რომელიც საქართველოსა და რუსეთს შორის საბაჟო ადმინისტრირებისა და სავაჭრო მონიტორინგის საკითხებს განსაზღვრავს.

„მისი პრაქტიკული რეალიზაციის უსწრაფესი დაწყება მნიშვნელოვან წვლილს შეიტანდა რეგიონში საერთაშორისო ვაჭრობის განვითარებაში. სამწუხაროდ, ქართული მხარე დიდი ხნის განმავლობაში თავს იკავებს შეთანხმებით გათვალისწინებული ვალდებულებების დადასტურებისგან. იმედი გვაქვს, რომ ეს მიდგომა შეიცვლება“, - ნათქვამია განცხადებაში.

შეგახსენებთ, რომ ე.წ. სამხრეთ ოსეთის დე-ფაქტო პრეზიდენტმა ანატოლი ბიბილოვმა რუსეთიდან ტვირთების შესაძლო ტრანზიტზე სანკტ-პეტერბურგში, საერთაშორისო ეკონომიკურ ფორუმში მონაწილეობისას განაცხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირაკლი კობახიძე სინგაპურის პრემიერ-მინისტრს, ლოურენს ვონგს შეხვდა

Ambebi.ge-ის მთავარ რედაქტორს, ნათია დოლიძეს საზოგადოების მხარდაჭერა სჭირდება

ტრამპს სურს, რომ ჯანი ინფანტინო გაეროს შემდეგი გენერალური მდივანი გახდეს - New York Post

აშშ-ის მოკავშირეები ახლო აღმოსავლეთში ტრამპს ირანში სახმელეთო შეჭრის დაწყებისკენ მოუწოდებენ