საქართველოს პრემიერ-მინისტრი გიორგი კვირიკაშვილი მზადაა,  ინფექციური პათოლოგიისა და შიდსის ცენტრის მედპერსონალს დღესვე შეხვდეს და მათი პრობლემები დეტალურად მოისმინოს.

როგორც გიორგი კვირიკაშვილმა მედიკოსების აქციასთან დაკავშირებით განაცხადა, სახელმწიფო ყველაფერს გააკეთებს, რათა დაბალანსებული გადაწყვეტილება მოძებნოს. მისივე თქმით, მნიშვნელოვანია, არც ერთი პროფესიონალის ღვაწლი არ დაიკარგოს.

„რამოდენიმე ადამიანისგან შემდგარი ჯგუფი შექმენით. მე შემიძლია, დღესვე შეგხვდეთ თქვენ. ამ ფორმატში ძალიან რთული იქნება ამ პრობლემაზე მსჯელობა. ერთი რამ ცხადია, სახელმწიფომ როდესაც გაასხვისა, მაშინ მე რამდენადაც ვიცი, პროფილის შენარჩუნების ვალდებულება ჰქონდა და არავინ აპირებს, კორპუსების აშენებას. გავერკვიოთ ამ საკითხში.

ჩვენს მთავრობას არ ახასიათებს, გადავთელოთ თქვენი ინტერესები. ეს არ არის ჩვენს ინტერესში. ჩვენს ინტერესშია, რომ კვალიფიციური ადამიანები მუშაობდნენ იქ, სადაც მუშაობენ. მაგრამ ჩვენი ინტერესი ისიცაა, რომ ეს ინფრასტრუქტურა, რომელიც მომსპარია, გაკეთდეს და ამის გაკეთება მხოლოდ სახელწმიფოს არ შეუძლია, ალბათ, კერძო სექტორთან ერთობლივად უნდა  გაკეთდეს ისე, რომ პროფესიონალი ექიმების  ინტერესი დაცული იყოს“,-აღნიშნა გიორგი კვირიკაშვილმა აქციის მონაწილეებთან საუბრისას.

პრემიერი ინფექციური საავადმყოფოს ტერიტორიაზე  აკადემიკოს ვახტანგ ბოჭორიშვილის კლინიკის ოფიციალურად გახსნასთან დაკავშირებით იმყოფებოდა.

ცნობისთვის, დღეს ინფექციური პათოლოგიისა და შიდსის ცენტრის მედპერსონალმა ინფექციური საავადმყოფოს ტერიტორიაზე საპროტესტო აქცია გამართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს