შრომის, ჯანმრთელობისა და სოციალური დაცვის მინისტრის დავით სერგეენკოს განცხადებით, ინფექციური საავადმყოფოს ახალი შენობა მაღლივი კორპუსის ტერიტორიაზე აშენდება.

როგორც მან ჟურნალისტებს  მედპერსონალის  აქციასთან დაკავშირებით განუცხადა, იდეალურ შემთხვევაში, მშენებლობის  დაწყებიდან 2 წლის შემდეგ,  პაციენტების მიღება შესაძლებელი იქნება.

„ჩვენ გამოყოფილი გვქონდა შენობა, გამოყოფილი გვქონდა ბიუჯეტი და მზად გვქონდა პროექტი, ეს შენობა იყო სანზონაში, ყოფილი კარდიოლოგიური ინსტიტუტის შენობა. გესაუბრებით 3 წლის წინანდელ სტატუსზე. სამწუხაროდ, იქ რეკონსტრუქციის დაწყება არ მოხდა, რადგან რამოდენიმე ათეული სოციალურად დაუცველი იყო შეჭრილი  და იქ ცხოვრობდა. ამიტომ, ეს მიმართულება ვერ განხორციელდა. მეორე,  ჩვენ ვთავაზობდით და ვთავაზობთ დღესაც  ამ ცენტრს, რომ  მივცემდით იჯარის თანხას და ნებისმიერი სხვა შენობა მოეძებნათ ახალი შენობის აშენებამდე. სამწუხაროდ, ესეც არ მოხერხდა. შესაბამისი შენობა ვერ მოძებნეს, რომელიც იმ სტანდარტებს  დააკმაყოფილებდა. დღეს გვაქვს ასეთი სტატუსი, უნივერსიტეტის მაღლივი კორპუსის ტერიტორიაზე გამოყოფილია მიწა ჰექტარ ნახევრამდე თუ სწორად მახსოვს, სახელმწიფო საკუთრება, ამ ნაკვეთზე  ჩვენ, სახელმწიფო, ვაპირებთ, რომ ავაშენოთ ინფექციური საავადმყოფოს შენობა. ახლა არის პროექტირების სტადია. იდეალურ შემთხვევაში, მშენებლობის  დაწყებიდან 2 წლის შემდეგ იქნება პაციენტების მიღება შესაძლებელი. ვფიქრობ, ოპტიმალურ გადაწყვეტილებას მივიღებთ“,-განაცხადა დავით სეგეენკომ.

ცნობისთვის, დღეს ინფექციური პათოლოგიისა და შიდსის ცენტრის მედპერსონალმა ინფექციური საავადმყოფოს ტერიტორიაზე საპროტესტო აქცია გამართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები