კონგოში ამბოხებულების ტყვეობაში მყოფი ქართველი მფრინავის ძმის გიორგი ოსურაულის განცხადებით, მედიაში გავრცელებული ვიდეომასალა, სადაც მფრინავი ოჯახის წევრებს მიმართავს, მან ორი თვის წინ ნახა.

როგორც ოსურაულმა აღნიშნა, ჩანაწერი ახალი არ არის და ვერ დაასტურებს, რომ მისი ძმა ცოცხალია. ამასთან გიორგი ოსორაულის თქმით, ამ ეტაპისტვის არც იმის დამადასტურებელი მტკიცებულება არსებობს, რომ მფრინავი დაღუპულია.

ცნობისთვის, 24 მაისს საქართველოს საგარეო საქმეთა სამინისტრომ ბრიფინგი გამართა, სადაც მინისტრის მოადგილემ ზვიად გონაძემ განაცხადა, რომ ქართველი მფრინავი შესაძლოა, გარდაცვლილი იყოს.

შეგახსენებთ, რომ 23 იანვარს კონგოში ადგილობრივმა მეამბოხეებმა ქართველი მფრინავი სოსო ოსურაული ტყვედ აიყვანეს. მათ სამხედრო-საჰაერო ძალების ორი შვეულმფრენი ჩამოაგდეს, ერთ-ერთს სწორედ ოსურაული მართავდა. სოსო ოსურაული თავდაცვის სამინისტროს შეიარაღებული ძალებიდან 2015 წელს საკუთარი განცხადების საფუძველზე წავიდა და მუშაობა კონგოში, კერძო საავიაციო კომპანიაში დაიწყო. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები