ექსპერტის პოლიტიკის საკითხებში, ვახტანგ ძაბირაძის შეფასებით, ფინანსთა სამინისტროს საგამოძიებო სამსახურში მიმდინარე საკადრო ცვლილებები  შესაძლოა, ყოფილ მთავარ პროკურორსა და გენერალურ აუდიტორს შორის მომხდარ ინცინდენტს უკავშირდებოდეს.

ექსპერტი არც იმას გამორიცხავს, რომ ვინმემ ფარცხალაძე-თორდიას ინციდენტი  საგამოძიებო სამსახურში საკუთარი კადრების მოსაყვანად გამოიყენოს.

„საქმის ზუსტი შეფასება გამიჭირდება იმასთან დაკავშირებით, რაც ფინანსთა სამინისტროს საგამოძიებო სამსახურში მიმდინარეობს, თუმცა გამომდინარე იქიდან, რომ ჩოხელის  გვარი ფიგურირებდა  ფარცხალაძე-თორდიას დაპირისპირებას შორის და  გარდა ამისა, იგივე ბადაშვილს უკავშირებდა საზოგადოება, რომ ეს ფარცხალაძის შემდეგ მან დაიკავა გენერალური პროკურორის თანამდებობა და მოიაზრებოდა  მის კადრად პროკურატურაში, შემდეგ კი ის გადავიდა ფინანსურ პოლიციაში, ამ ყველაფრიდან  გამომდინარე შეიძლება ვივარაუდოთ, რომ აი ამ სკანდალის გარკვეული გამოძახილია ის, რომ მოხდა ამ უწყებაში ამ ხალხის გადაადგილება. არ გამოვრიცხავ არც იმას, რომ უბრალოდ ვინმემ ეს ფაქტი, ვგულისხმობ  ფარცხალაძე-თორდიას დაპირისპირებას და მასში ჩოხელის მონაწილეობას, გამოიყენა იმისათვის, რომ მან საკუთარი კადრები მოიყვანოს უწყებაში“,-აღნიშნა ექსპერტმა.

შეგახსენებთ, რამდენიმე დღის წინ გენერალურ აუდიტორ ლაშა თორდიასა და ყოფილ მთავარ პროკურორ ოთარ ფარცხალაძეს შორის მომხდარ ინციდენტთან დაკავშირებით, ფინანსთა სამინისტროს საგამოძიებო სამსახურის საგამოძიებო დეპარტამენტის უფროსის მოადგილემ მიხეილ ჩოხელმა თანამდებობა დატოვა. გუშინ ცნობილი გახდა, რომ თანამდებობას საგამოძიებო უწყების კიდევ ერთი მაღალჩინოსანი, ფინანსური პოლიციის ხელმძღვანელი გიორგი ბადაშვილი ტოვებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები