ფრაქცია "ნაციონალური მოძრაობის" თავმჯდომარე რომან გოცირიძე, აზერბაიჯანელი ჟურნალისტის გაუჩინარებაში საქართველოს მთავრობას ადანაშაულებს.

როგორც გოცირიძე Facebook-ის საკუთარ გვერდზე წერს, აზერბაიჯანელი ჟურნალისტის გატაცების ფაქტი არაა ერთადერთი შემთხვევა, როცა "ხელისუფლება ვერ იცავს ქვეყნის სუვერენიტეტს".

"ვინც ჰეიდარ ალიევის მონუმენტს საღებავი შეასხა, არის ნაძირალა და რუსეთის სპეცსამსახურების აგენტი. მოვლენების ამ მიმართულებით განვითარებაში პირდაპირ არის დამნაშავე საქართველოს მთავრობა. აზერბაიჯანელი ჟურნალისტის გატაცების ფაქტი არაა ერთადერთი შემთხვევა, როცა ხელისუფლება ვერ იცავს ქვეყნის სუვერენიტეტს. უკვე გაჩნდა ხელისუფლების ირიბად გამამართლებელი შეფასებები. მაგალითად, ის რომ, თურმე იგი იმყოფება ” სტრატეგიული პარტნიორობის ტყვეობაში”. ამით იმის თქმა უნდათ, რომ უფრო დიდს შეიძლება შევწიროთ ნაკლებად მნიშვნელოვანი, რომ ხელისუფლება გარემოებათა მძევალია და ასე შემდეგ. ასეთი მსჯელობა ნიშნავს ქვეყნის ეროვნული ინტერესების ღალატს. ხელისუფლება უნდა იმყოფებოდეს საკუთარი კონსტიტუციისა და საერთაშორისო ვალდებულებების ტყვეობაში და არა ვინმესთან ფარულ გარიგებაში. თანაც, როცა ასეთი თანამშრომლობა ემსახურება არა ქვეყნის, არამედ მმართველი ძალის ვიწროპარტიულ და ფინანსურ ინტერესებს", - წერს რომან გოცირიძე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები