საქართველოს პრეზიდენტის ადმინისტრაციის უფროსის გიორგი აბაშიშვილის განცხადებით, ადმინისტრაცია სახელმწიფო სტრუქტურებს, რომლებიც ქვეყანაში მოქალაქეთა უსაფრთხოებაზე არიან პასუხისმგებლები, ნდობას უცხადებს.

მან იმედი გამოთქვა, რომ სახელწმიფო სტრუქტურები თბილისში გაუჩინარებულ ჟურნალისტთან აფგან მუხთარლისთან დაკავშირებით, ზუსტი გამოძიების შედეგს დადებენ.

„ჩვენ სრულ ნდობას ვუცხადებთ იმ სახელმწიფო სტრუქტურებს, რომლებიც არიან პასუხისმგებლები საქართველოში მოქალაქეთა უსაფრთხოებაზე და იმედი გვაქვს, რომ უახლოეს პერიოდში შესაბამისი სახელმწიფო სტრუქტურები მოგვცემენ სრულ სურათს და ზუსტ გამოძიებას აზერბაიჯანელი ჟურნალისტის საქმესთან დაკავშირებით", - განაცხადა გიორგი აბაშიშვილმა.

ამასთან, პრეზიდენტის ადმინისტრაციის უფროსმა აღნიშნა, რომ ჟურნალისტის ადვოკატის განცხადებები შემაშფოთებელია.

 „ჟურნალისტის ადვოკატის განცხადებები არის ძალიან შემაშფოთებელი. ბუნებრივია, ეს არის ის მოვლენა და სამწუხარო ფაქტი, რომელიც მნიშვნელოვნად აზიანებს ჩვენი ქვეყნის იმიჯს. ბუნებრივია, სხვადასხვა ტიპის უამრავი ვერსია შეიძლება არსებობდეს, უამრავ სპეკულაციას შეიძლება ჰქონდეს ადგილი იმ დრომდე, ვიდრე გამოძიება არ შემოგვთავაზებს ჩვენ რეალურ სურათს თუ როგორ მოხდა ეს ფაქტი“, - აღნიშნა აბაშიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები