რუსეთის სახელმწიფო დუმის ყოფილი დეპუტატის, მარია მაკსაკოვას განცხადებით, რუსეთში კრიმინალი სპეცსამსახურებთან არის კავშირში.

ამის შესახებ ყოფილმა დეპუტატმა საქართველოს ყოფილი პრეზიდენტის მიხეილ სააკაშვილის თოქ-შოუში განაცხადა.

როგორც მაკსაკოვამ აღნიშნა, ის იყო მოწმე საუბრისა, თუ როგორ ცდილობდნენ მიხეილ სააკაშვილის მოშორებას.

"უკრაინის კრიმინალს არ ვიცნობ და ვთვლი, რომ რუსეთში არსებულ კრიმინალთან გაცნობაც მეყო. უკრაინა რუსეთისგან ძალიან განსხვავდება. იქ კრიმინალი შერწყმულია სპეცსამსახურებთან, "ფე-ეს-ბე"-სთან, ისინი ნატრულობენ, რომ სხვადასხვა დავალებები შეასრულონ. მე ვიყავი მოწმე საუბრისა, თუ როგორ ნადირობდნენ პატივცემულ მიხეილ სააკაშვილზე. მომისმენია, როგორ ნერვიულობდნენ იმაზე, თუ როგორ მოეშორებინათ სააკაშვილი, მაგრამ ეს ისე უნდა გაეკეთებინათ, რომ მათზე ეჭვი არავის მიეტანა", - აღნიშნა მაკსაკოვამ. 

დუმის ყოფილმა დეპუტატმა სააკაშვილს მიმართა და აღნიშნა, რომ მან რუსეთში საკუთარი თავი წარმოაჩინა, როგორც ბრძოლისუნარიანი ლიდერი.

"რუსეთში აჩვენეთ, რომ ბრძოლისუნარიანი ხართ, ბუნტის თავი, მასას კი ასეთი ადამიანები არ მოსწონს", - დასძინა მარია მაკსაკოვამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს