რუსეთის პრეზიდენტის ვლადიმერ პუტინის განცხადებით, „პატრიოტი ჰაკერები“, შესაძლოა, ამერიკის შეერთებული შტატების საპრეზიდენტო არჩევნებში ჩარეულიყვნენ.

BBC-ის ინფორმაციით, რუსეთის ლიდერმა აღნიშნა, რომ არც ერთ ჰაკერს რუსეთის ხელისუფლება მხარს არ უჭერდა.

აღსანიშნავია, რომ ეს პირველი შემთხვევაა, როდესაც ვლადიმერ პუტინმა აღიარა, რომ აშშ-ის საპრეზიდენტო არჩევნების დროს ჰაკერული თავდასხმა, შესაძლოა, რუსეთიდან განხორციელებულიყო.

რუსეთის პრეზიდენტმა ჰაკერები მსახიობებს შეადარა. პუტინის შეფასებით, მათ რუსეთის სასარგებლოდ „ითამაშეს“.

„თუ ისინი იყვნენ პატრიოტები, მათ იმოქმედეს იმ გზით, რომელიც ჩათვალეს, რომ სწორი იყო და იბრძოლეს იმათ წინააღმდეგ, ვინც რუსეთზე ცუდს ამბობდა. ყველაზე მნიშვნელოვანი აქ ის არის, რომ ჩარევა არ მომხდარა მთავრობის დონეზე. ასევე მინდა აღვნიშნო, რომ არცერთ ჰაკერს არ შეუძლია გავლენა მოახდინოს სხვა ქვეყნის ამომრჩევლის გონებაზე“, - აღნიშნა პუტინმა.

შეგახსენებთ, რომ რუსეთი ყოველთვის უარყოფდა აშშ-ის საპრეზიდენტო არჩევნებში ჩარევას, თუმცა მსგავსი ბრალდებები მუდმივად ჟღერდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები