რეგიონული განვითარებისა და ინფრასტრუქტურის მინისტრმა  ზურაბ ალავიძემ ადგილობრივი თვითმმართველობის კოდექსში ცვლილებათა პირველ პაკეტზე ისაუბრა.

მისი თქმით, ყველა ქალაქი კვლავ ქალაქის სტატუსით ისარგებლებს.

ამასთან, მინისტრის ინფორმაციით, ცვლილებების თანახმად, ძლიერდება საკრებულოს როლი, ხოლო ყველა მუნიციპალიტეტში უმაღლესი თანამდებობის პირი მერი იქნება.

ზურაბ ალავიძის განცხადებით, 14 მუნიციპალიტეტის რაოდენობა  7-მდე მცირდება, მუნიციპალური ბიუჯეტები  კი გაერთიანდება.

ალავიძე განმარტავს, რომ დღეს არსებული 71 თვითმმართველი მუნიციპალიტეტის ნაცვლად,  ცვლილების შედეგად, 64 დარჩება:

„დღეს,  მთავრობის სხდომაზე,  გავიდა ადგილობრივი თვითმმართველობის კოდექსში შესატან ცვლილებათა პირველი პაკეტი, ცვლილებათა მეორე პაკეტი მომზადდება და, სავარაუდოდ, საშემოდგომო სესიაზე გავა. ეს ცვლილებები არ ეხება არანაირად არჩევითობის წესს, ყველა ქალაქი კვლავინდებურად ისარგებლებს ქალაქის სტატუსით. რეფორმის მიზანია, მივიღოთ უფრო ეფექტიანი მართვის მოდელი,  რათა მოქალაქეებს ხარისხიანი სერვისი მივაწოდოთ და მუნიციპალიტეტებში არსებული პრობლემები უფრო ოპერატიულად მოვაგვაროთ. არანაკლებ  მნიშვნელოვანია ის, რომ საკრებულოს ფუნქციები გაიზრდება და მოქალაქეების ჩართულობით, ადგილზე გაძლიერდება  პროცესების დემოკრატიული კონტროლი. რეფორმის  შედეგად, ყველა მუნიციპალიტეტში უმაღლესი  თანამდებობის პირი არჩეული მერი იქნება. ანუ, გამგებელსა და მერის ფუნქციებს შორის განსხვავება არაფერი იყო, მივიღეთ გადაწყვეტილება, ყველა მუნიციპალიტეტს ხელმძღვანელი ჰყავდეს არჩეული მერი. რაც შეეხება შემდეგ ცვლილებას, ესაა კოლეგიალური ორგანოების შექმნა მერიებში. ერთპიროვნულად გადაწყვეტილება აღარ იქნება მიღებული. მერი წარუდგენს სამსახურის უფროსებს და მოადგილეებს საკრებულოს და საკრებულო დაუმტკიცებს მათ. შემდეგი პაკეტით ჩვენ მოვაწესრიგებთ არამეწარმე იურიდიული პირების შექმნის მექანიზმებს მუნიციპალიტეტებში. ყველა დარგების მიხედვით იქნება თითო ასეთი „აიპი“. ხარჯების დაზოგვის კუთხით ეს ერთ-ერთი მნიშვნელოვანი მომენტი იქნება. ჩვენ ტერიტორიულ ორგანოებს შემოვიღებთ შემდეგი პაკეტისთვის და სწორედ ეს იქნება ჩვენი თვითმმართველობის რეფორმის გაგრძელება და უფრო მეტი დეცენტრალიზაცია. დღეს მივიღეთ გადაწყვეტილება 14 მუნიციპალიტეტი შეერთდეს  და დაგვრჩება 7 მუნიციპალიტეტი. ანუ, დღეს არსებული71 თვითმმართველი მუნიციპალიტეტის ნაცვლად,  ამ ცვლილებების შედეგად 64 დაგვრჩება“,-აღნიშნა ალავიძემ და დასძინა, რომ საკრებულო იგივე რაოდენობის ადამიანებით იქნება წარმოდგენილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები