ოდიშარია: გვინდა, დავანახოთ ჩვენს პარტნიორებს, თუ რა ძვირი უჯდება საქართველოს ისტორიული არჩევანისადმი სწრაფვა

2017-05-28 11:34:22, 2048 ნახვა

კომენტარი

„ჩვენ გვინდა, დავანახოთ ჩვენს პარტნიორებს, თუ რა ძვირი უჯდება საქართველოს თავისი ისტორიული არჩევანისადმი სწრაფვა“,-ამის შესახებ საპარლამენტო უმრავლესობის წევრმა ბექა ოდიშარიამ ჟურნალისტებს ახალგორის მოსაზღვრე სოფელ ოძისში განუცხადა, სადაც ნატო-ს საპარლამენტო ასამბლეის თავმჯდომარე პაოლო ალი დელეგატებთან ერთად იმყოფება.

„რუსეთი ყოველდღიურად აძლიერებს წნეხს ამის საპასუხოდ. პირველადი ოკუპაციის შემდეგ, ის აგრძელებს ანექსიას. ყოველდღიურად გრძელდება ადამიანებზე თავდასხმა იმ საბაბით, რომ ისინი კვეთენ ე.წ. საზღვარს. ადამიანებს ეკრძალებათ წვდომა წყალთან, ეკლესიასთან, ნათესავებთან, სასაფლაოსთან. ეს ადამიანების უფლებების დარღვევის პოლიგონია“,-განაცხადა ბექა ოდიშარიამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან