სოფლის მეურნეობის მინისტრის ლევან დავითაშვილის განცხადებით, მაღალმთიან რეგიონებში სახელმწიფო საკუთრებაში არსებული სათიბ-საძოვრების რაციონალური გამოყენების სახელმწიფო პროგრამისთვის 6 მილიონი ლარია გამოყოფილი.

როგორც დავითაშვილმა ჟურნალისტებს განუცხადა, გამორიცხული არაა, მასშტაბები გაიზარდოს.

მისივე თქმით, საქართველოს მაღალმთიან რეგიონებში სახელმწიფო საკუთრებაში არსებული სათიბ-საძოვრების რაციონალური გამოყენების შესახებ პროექტი, მაღალმთიან რეგიონებში მეცხოველეობის ხელშეწყობას ითვალისწინებს.

„მეცხოველეობის განვითარებაში ძირითადი პრობლემა ის იყო, რომ ჩვენ გვაქვს საგაზაფხულო და საზაფხულო საძოვრები, მაგრამ მოსახლეობას გამოზამთრების პრობლემა აქვს. ჩვენ, ფაქტობრივად, საკვების დამზადების ტექნიკას ვაწვდით კოოპერატივებს, ანუ მათ საშუალება ექნებათ, რომ თანამედროვე ტექნიკის გამოყენებით ზამთრისთვის მოახდინონ საკვების დამზადება, გააუმჯობესონ ჯიში, პროდუქტიულობა. როგორც იცით, ალპური მეცხოველეობა ითვალისწინებს როგორც რძის, ასევე ხორცის მიმართულებებს. ანუ ეს როგორც ხორცპროდუქტების, ასევე რძის პროდუქტების გაზრდას შეუწყობს ხელს“, - განაცხადა დავითაშვილმა და დასძინა, რომ პროექტის ფარგლებში, შემდეგი 2 წლის განმავლობაში მუნიციპალიტეტებში უნდა შექმნას კოოპერატივები, რომლებსაც სახელმწიფო საკუთრებაში არსებული საძოვრები 25 წლიანი იჯარით გადაეცემა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დუმამ ბალტიისპირეთის ქვეყნები სსრკ-დან გამოყოფის შესახებ შეთანხმების დარღვევაში დაადანაშაულა

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო