სოფლის მეურნეობის მინისტრის ლევან დავითაშვილის განცხადებით, პრემიერის დავალებით მაღალმთიან რეგიონებში სახელმწიფოს საკუთრებაში არსებული სათიბ-საძოვების რაციონალური გამოყენების შესახებ პროექტი შეიმუშავეს.

დავითაშვილის განმარტებით, პროექტი  მაღალმთიან რეგიონებში მეცხოველეობის ხელშეწყობას ითვალისწინებს:

 "ტრადიციულად, საქართველოში მაღალ მთაში იყო მეცხოველეობა განვითარებული და სოფლის მეურნეობის სტრუქტურაც ასეა მოცემული, რომ ძირითადად გვაქვს დაახლოებით, მილიონზე მეტი სათიბი და საძოვარი, რომელიც განლაგებულია ზღვის დონიდან 1000 მეტრის ტერიტორიებზე. ეს არის დიდი პოტენციალი ერთი მხრივ, საკვები ბაზის, რომელიც რაციონალურად უნდა გამოვიყენოთ, მეორე მხრივ კი პროექტი ხელს შეუწყობს მაღალმ მთაში მოსახლეობის ეკონომიკური პირობების გაუმჯობესებას",- განაცხადა  დავითაშვილმა და დასძინა, რომ პროექტი  თითო მუნიციპალიტეტში თითო კოოპერატივის შექმნას ითვალისწინებს და სულ 24 მუნიციპალიტეტია გათვალისწინებული.

"ჩვენი პროექტით, 24 მუნიციპალიტეტში თითო კოოპერატივი მაინც უნდა შეიქმნას შემდეგი ორი წლის განმავლობაში. მინიმუმ 200 სული მსხვილფეხა რქოსანი პირუტყვი გაერთიანდება. მნიშვნელოვანია, რომ ტერიტორიები, საძოვრები ასეთ კოოპერატივებს გადაეცემა 25 წლიანი იჯარის ფარგლებში, 1 ჰექტარზე 15 ლარად. სამაგიეროდ მოხდება საძოვრების რაციონალურად გამოყენება. ამავე დროს,  საძოვრების ხარისხი შენარჩუნდება და არ მოხდება გადაძოვება",- განაცხადა დავითაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა