საქართველოში მიმდინარე რეფორმების პროცესში ლიტვის მხარდაჭერის შესახებ დღეს ფინანსთა მინისტრის მოადგილე გიორგი კაკაურიძემ და ლიტვის ელჩმა საქართველოში გიედრიუს პუოჯუნასმა ისაუბრეს.

შეხვედრა, ფინანსთა სამინისტროში შედგა.

ფინანსთა მინისტრის მოადგილე გიორგი კაკაურიძემ სტუმარს საქართველოს მთავრობის 4-პუნქტიანი გეგმისა და მის საფუძველზე მიმდინარე და დაგეგმილი რეფორმების შესახებ ინფორმაცია მიაწოდა.

მან ასევე ისაუბრა ევროკავშირთან ასოცირების შეთანხმების დღის წესრიგით გათვალისწინებული რეფორმების შესახებ.

თავის მხრივ, ლიტვის ელჩმა საქართველოში გიედრიუს პუოჯუნასმა განაცხადა, რომ ლიტვური მხარე გამოთქვამს სრულ მზადყოფნას, მხარდაჭერა აღმოუჩინოს საქართველოს რეფორმების განხორციელების პროცესში, მათ შორის, დაეხმაროს და გაუზიაროს გამოცდილება ევროკავშირთან ასოცირების შეთანხმების დღის წესრიგით გათვალისწინებული რეფორმების გატარების კუთხით.

მხარეებმა ასევე ყურადღება გაამახვილეს საქართველოს პირველი ვიცე-პრემიერის, ფინანსთა მინისტრის დიმიტრი ქუმსიშვილისა და ლიტვის ფინანსთა მინისტრის ვილიუს შაპოკას ბოლო შეხვედრის შესახებ, რომელიც კვიპროსის დედაქალაქ ნიქოზიაში ევროპის რეკონსტრუქციისა და განვითარების ბანკის წლიური შეხვედრის ფარგლებში დაახლოებით ორი კვირის წინ გაიმართა.

დიმიტრი ქუმსიშვილმა და ვილიუს შაპოკამ საქართველოში მიმდინარე რეფორმებზე ისაუბრეს, რომლის დროსაც ლიტვურმა მხარემ საქართველოს მინისტრს რეფორმების განხორციელების პროცესში მხარდაჭერა და გამოცდილების გაზიარება შესთავაზა.

გიორგი კაკაურიძისა და გიედრიუს პუოჯუნასის შეხვედრაზე ასევე განიხილეს ორმხრივი თანამშრომლობის ფართო სპექტრი და სამომავლო ურთიერთობის პრიორიტეტული მიმართულებები. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა