საქართველოს კულტურისა და ძეგლთა დაცვის სამინისტროს ინიციატივით, 27 მაისს, აქცია - „ღამე მუზეუმში“ მოეწყობა.

აღნიშნული აქციის ფარგლებში, საქართველოს თითქმის ყველა მუზეუმი, ყველა მსურველს და დაინტერესებულ პირს უფასოდ მოემსახურება.

ღონისძიებაში მონაწილეობას მიიღებენ სამინისტროს დაქვემდებარებაში მყოფი მუზეუმები თბილისისა და რეგიონის მასშტაბით, ქალაქ თბილისის მუნიციპალიტეტის ა(ა)იპ მუზეუმების გაერთიანების 3 მუზეუმი, რეგიონული მუნიციპალიტეტის მუზეუმები, 2 უწყებრივი მუზეუმი - ქართული სპორტის მუზეუმი, კახა ბენდუქიძის საუნივერსიტეტო კამპუსის მუზეუმი და კერძო - ზურაბ წერეთლის თანამედროვე ხელოვნების მუზეუმი.

ვიზიტორებისთვის მუზეუმები ღამის 01:00 საათამდე იქნება ღია. ისინი თავად გახდებიან იმ კულტურული ღონისძიებების მონაწილენი, რომლებიც აქციის ფარგლებში ჩატარდება. მანამდე კი, სამხატვრო აკადემიის სტუდენტები, თბილისის სხვადასხვა უბანს სლოგანით „მოდი ღამე მუზეუმში“ მოხატავენ და მოსახლეობას მუზეუმებში მისვლისკენ მოუწოდებენ.

ცნობისთვის, აქციას „ღამე მუზეუმში“ - 2005 წელს ევროსაბჭოს მიერ ჩაეყარა საფუძველი და მას შემდეგ ევროსაბჭოს წევრ ქვეყნებში რეგულარულად ტარდება. მოგვიანებით, აქციამ ფართო მასშტაბი მიიღო და მსოფლიოს მრავალ ქვეყანაში გავრცელდა. აქციის „ღამე მუზეუმში“ ტრადიციად დამკვიდრების ინიციატივით საქართველოს კულტურისა და ძეგლთა დაცვის სამინისტრო 2015 წელს გამოვიდა. 

განრიგი იხილეთ აღნიშნულ ბმულებზე: http://culture.gov.ge/getattachment/News/%E2%80%8B-game-muzeumshi%E2%80%9D/Modi-Game-Museumshi-2017_TBILISI_GEO-(1).pdf.aspx

http://culture.gov.ge/getattachment/News/%E2%80%8B-game-muzeumshi%E2%80%9D/Modi-Game-Museumshi-2017_REGIONEBI_GEO.pdf.aspx

http://culture.gov.ge/getattachment/News/%E2%80%8B-game-muzeumshi%E2%80%9D/modi-game-muzeumshi-avtobusebis-marshrutebi-(2).pdf.aspx

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!