ვროკავშირის სპეციალურ წარმომადგენელს სამხრეთ კავკასიასა და საქართველოს კრიზისების საკითხებში, ჟენევის მოლაპარაკებების თანათავმჯდომარე ჰერბერტ ზალბერის განცხადებით, ევროკავშირი არ აღიარებს იმ ფორმატს, რომლითაც არჩევნები სეპარატისტულ სამხრეთ ოსეთის რეგიონში ჩატარდა.

მისივე განმარტებით, ის ევროკავშირის აღნიშნულ პრინციპს მზარს უჭერს. 

„ჩვენ განვიხილეთ ის საკითხები, რომელიც თქვენთვის არის ცნობილი და გაღელვებთ. ევროკავშირი მხარს უჭერს საქართველოს ტერიტორიულ მთლიანობას - ჩვენთვის ეს უდავოა. მე, როგორც ევროპული კავშირის წარმომადგენელი სამხრეთ კავკასიაში, მხარს ვუჭერ ამ მიდგომას და ამას ყველგან ხაზს ვუსვამ.

რაც შეეხება არჩევნებს სეპატარისტულ სამხრეთ ოსეთის რეგიონში, ევროპულმა კავშირმა ნათელი გახადა, რომ არ აღიარებს იმ ფორმატს, რომლითაც ეს არჩევნები ჩატარდა. მეც ასევე, ამ პრინციპს ვუჭერ მხარს. 

ამავდროულად, ევროკავშირი მოწოდებულია, კონფლიქტის მშვიდობიან გადაწყვეტაში თავისი წვლილი შეიტანოს და ეს არის მიზეზი იმისა, რის გამოც ევროკავშირი და პირადად მე, ჩართული ვართ ჟენევის მოლაპარაკებებში. ეს არის ჩემი მანდატის ძირითადი იდეა“, - აღნიშნა ზალბერმა. 

ცნობისთვის, სამხრეთ კავკასიის საკითხებში ევროკავშირის სპეციალურ წარმომადგენელს ჰერბერტ ზალბერს საქართველოს საგარეო საქმეთა სამინისტროში მინისტრის მოადგილე დავით დონდუა შეხვდა.

შეგახსენებთ, რომ ევროკავშირის სპეციალური წარმომადგენელი სამხრეთ კავკასიასა და საქართველოს კრიზისების საკითხებში ჰერბერტ ზალბერი ე.წ. სამხრეთ ოსეთის დე-ფაქტო პრეზიდენტ ანატოლი ბიბილოვს შეხვდა და ე.წ. საპრეზიდენტო არჩევნებში "გამარჯვება" მიულოცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა