თბილისის სააპელაციო სასამართლომ კომპანია „RMG Gold“–ის საჩივარი, გათავისუფლებული თანამშრომლის წინააღმდეგ, არ დააკმაყოფილა. 

მოსამართლე ხათუნა არევაძემ პირველი ინსტანციის ბოლნისის რაიონული სასამართლოს გადაწყვეტილება ძალაში დატოვა, რომლის მიხედვითაც  „RMG Gold“–ს დაევალა  დალი მამულაშვილს, რომელიც სამსახურიდან 2013 წლის 30 იანვარს გაათავისუფლეს, განაცდური აუნაზღაუროს და სამსახურში აღადგინოს. 

როგორც დალი მამულაშვილმა „ექსპრენიუსს“ განუცხადა, ის იმ 200 კაცს შორის იყო, რომლებიც 2013 წლის 30 იანვარს კომპანია  RMG Gold–დან გაათავისუფლეს. 
მისივე თქმით, კომპანიას თანამშრომლების გათავისუფლების არანაირი არგუმენტი არ ჰქონდა. 

„მას შემდეგ სახლში ვზივარ. მაშინ პროფკავშირი იყო ჩართული. იყო მედიაცია. არანაირი გადაწყვეტილება მათ არ მიუღიათ. მე იმ მედიაციაზე ბოლო შეთანხმებაზე ხელი არ მომიწერია. მათი იმედი არ მქონდა. ყველა შეხვედრაზე დავდიოდი და ვიცოდი საქმე საით მიჰყავდათ. მე პროფკავშირის წევრი არ ვიყავი, ამიტომ  ვარჩიე  ცალკე, ინდივიდუალურად სასამართლოში შემეტანა საჩივარი, რადგან  სასამართლოს იმედი მქონდა.  არანაირი არგუმენტები არ ჰქონდათ ჩემი გათავისუფლების და ასევე იმ დანარჩენის ხალხის, რადგან 25 დეკემბერს ჩვენ ხელი მოგვაწერინეს უვადო შრომით ხელშეკრულებაზე, 30 იანვარს გაგვათავისუფლეს, ეს ხომ უკანონო და უსაფუძვლო გათავისუფლება იყო?! „არ ემ ჯი“ თუ მესამე ინსტანციაში არ გაასაჩივრებს, ალბათ დამაბრუნებენ“, – აღნიშნა დალი მამულაშვილმა. 

ცნობისთვის, კომპანია RMG Gold–მა 2013 წელს 200–მდე თანამშრომელი გაათავისუფლა. „არ ემ ჯი“–მ  გათავისუფლების მიზეზად კომპანიაში შექმნილი მძიმე ეკონომიკური მდგომარეობა დაასახელა. 
„ბოლო დროის მოვლენებიდან გამომდინარე და შექმნილი მძიმე ეკონომიკური მდგომარეობის გათვალისწინებით, აუცილებელი გახდა საწარმოო ხარჯების ოპტიმიზაცია. გამომდინარე აქედან, კომპანია იძულებული გახდა სამსახურიდან გაეთავისუფლებინა რამდენიმე ათეული თანამშრომელი საქართველოს შრომის კოდექსით დადგენილი წესების შესაბამისად“, – აცხადებდნენ „RMG Gold“–ში. 
CENN-ის  მიერ გავრცელებული ინფორმაციით კი, გათავისუფლებული თანამშრომლების მიზეზი კომპანიის ხელმძღვანელობის მოთხოვნაზე უარის თქმა გახდა.
„კომპანიის მოთხოვნა იყო, მონაწილეობა მიეღოთ ე.წ. ,,საყდრისის" ტერიტორიაზე სამუშაოების აღდგენის ლიცენზიის მოსაპოვებელ აქციებში“, – აღნიშნულია CENN–ის განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს