ეკონომიკისა და მდგრადი განვითარების მინისტრის მოადგილე გენადი არველაძე ჩინეთის ქალაქ ჰეფეიში სამუშაო ვიზიტით იმყოფება.

ეკონომიკის სამინისტროს ინფორმაციით, გენადი არველაძემ მონაწილეობა მიიღო საქართველოს პირველი ვიცე-პრემიერის დიმიტრი ქუმსიშვილისა და ჩინეთის ვიცე-პრემიერის ვანგ იანგის შეხვედრაში.

ეკონომიკისა და მდგრადი განვითარების მინისტრის მოადგილის განცხადებით, მხარეები შეთანხმდნენ, რომ თავისუფალი ვაჭრობის შეთანხმების ხელმოწერა ხელს შეუწყობს საქართველოსა და ჩინეთს შორის ვაჭრობის კიდევ უფრო ზრდას. მხარეები მაქსიმალურად შეეცდებიან,  რათა ვაჭრობა საქართველოსა და ჩინეთს შორის საგრძნობლად გაიზარდოს და 1 მილიარდ დოლარს მიაღწიოს.

,,ჩინეთთან თავისუფალი ვაჭრობის შეთანხმება ხელს შეუწყობს საქართველოში ჩინური ინვესტიციების ზრდას და, ასევე, საქართველოდან ექსპორტის ზრდას ჩინეთის ბაზარზე, რაც მნიშვნელოვანია ქართული საექსპორტო პროდუქციის დივერსიფიკაციის მიმართულებით. ასევე, ორივე მხარე შევთანხმდით, რომ ვაჭრობა, ჩვენს ქვეყნებს შორის, გაიზრდება 1 მილიარდ დოლარამდე. ამ მიმართულებით თავისუფალი ვაჭრობის შეთანხმებას უმნიშვნელოვანესი როლი აკისრია, - განაცხადა გენადი არველაძემ.

საქართველოსა და ჩინეთს შორის შეთანხმებას თავისუფალი ვაჭრობის შესახებ ხელი მიმდინარე წლის 13 მაისს მოეწერა. საქართველო ერთადერთი ქვეყანაა ევრაზიის რეგიონში, რომელთანაც ჩინეთს მსგავსი შეთანხმება აქვს გაფორმებული. მოლაპარაკება ორივე მხარის ძალისხმევით რეკორდულად მოკლე დროში - 7 თვეში დასრულდა. ამჟამად დარჩენილია მხოლოდ სარატიფიკაციო პროცედურები, რომლის დასრულების შემდეგაც შეთანხმება ძალაში შევა. შეხვედრაზე მხარეები შეთანხმდნენ, რომ მაქსიმუმს გააკეთებენ, რათა შეთანხმების რატიფიკაცია მიმდინარე წლის ბოლომდე დასრულდეს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა

კახა კალაძე Kordz-ის კონცერტის გაუქმებაზე: როდესაც სცენას იყენებ იმისთვის, რომ ვიღაცას შეურაცხყოფა მიაყენო, ეს კატეგორიულად მიუღებელია