„ერთი სარტყელი - ერთი გზის" ცენტრალური კორიდორის მთავარი უპირატესობებია: კონკურენტული ფასი, ტრანსპორტირების ყველაზე მოკლე დრო და უსაფრთხოება“,-ამის შესახებ პირველმა ვიცე პრემიერმა, ფინანსთა მინისტრმა  დიმიტრი ქუმსიშვილმა ჩინეთის ვიცე-პრემიერ ვანგ იანგთან შეხვედრისას განაცხადა.

 მისი თქმით, ჩინეთის პრეზიდენტმა სი ძინ პინმა საქართველო დაასახელა ე.წ. ცენტრალური ან შუა სატრანსპორტო კორიდორში, რასაც განვითარება ესაჭიროება.

დიმიტრი ქუმსიშვილის განცხადებით, უახლოესი 4 წლის განმავლობაში საქართველოს მთავრობა მილიარდობით დოლარის დახარჯვას გეგმავს ძირითადი ინფრასტრუქტურული პროექტების განსახორციელებლად, როგორიცაა აღმოსავლეთ-დასავლეთის ჩქაროსნული მაგისტრალი, საქართველოს რკინიგზის მოდერნიზების პროექტი და ანაკლიის ღრმაწყლოვანი პორტი.

შეხვედრაზე  ცენტრალური ჩინეთის პროვინციებიდან საკონტეინერო სახმელეთო გადაზიდვებისთვის, ახალი აბრეშუმის გზის ცენტრალური სატრანსპორტო დერეფნის გამოყენების შესაძლებლობის საკითხი დაისვა.

ითქვა, რომ ამ მიმართულებით ჩინეთიდან ევროპაში შესაძლებელია ტვირთის 12 – 14 დღეში გადატანა.

შეხვედრაზე  ასევე აღინიშნა, რომ 2017 წელს ჩინეთის ჯანგსუს პროვინციიდან საქართველოს რკინიგზას 30 საკონტეინერო შემადგენლობა გაივლის.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა

კახა კალაძე Kordz-ის კონცერტის გაუქმებაზე: როდესაც სცენას იყენებ იმისთვის, რომ ვიღაცას შეურაცხყოფა მიაყენო, ეს კატეგორიულად მიუღებელია