პრემიერ-მინისტრი გიორგი კვირიკაშვილი საქართველოსა და ჩინეთს შორის თავისუფალი ვაჭრობის შესახებ ხელშეკრულების გაფორმებას გამოეხმაურა.

როგორც მან მთავრობის სხდომის დაწყებამდე განაცხადა, აღნიშნული დოკუმენტი საქართველოში ინვესტიციების მოსაზიდად  საინტერესო შესაძლებლობებს ქმნის.

„მინდა, შევეხო ძალიან  მნიშვნელოვან ხელშეკრულებას, რომელიც ჩინეთში გაფორმდა. ჩინეთში ხელი მოვაწერეთ თავისუფალი ვაჭრობის შეთანხმებას. ეს არის ძალიან მნიშვნელოვანი დოკუმენტი,  რომელიც ძალიან საინტერესო შესაძლებლობებს ქმნის საქართველოში ინვესტიციების მოსაზიდად.ჩვენ გვაქვს  თავისუფალი სავაჭრო შეთანხმებები  ჩვენს მეზობელ ქვეყნებთან. გვაქვს თავისუფალი სავაჭრო შეთანხმება  სტრატეგიულად  მნიშვნელოვანი ევროკავშირთან, რომელიც საქართველოს  ძალიან ჩინეთიდან ინვესტიციებისთვის საინტერესო ქვეყანად ხდის.  ამიტომ, ვთვლით, ჩინეთთან თავისუფალი სავაჭრო შეთანხმების ხელმოწერა იქნება ახალი ადგილების შესაქმნელად,  ახლი ინვესტიციების მოსაზიდად, ექსპორტზე  ორიენტირებული წარმოებების გასავითარებლად, რაც საქართველოსთვის არის ძირითადი სრტრატეგიული მიმართულება. ეს არის მნიშვნელოვანი ახალი კარი, რომელიც გაიღო საქართველოს საექსპორტო პოტენციალის და ექსპორტზე ორიენტირებული წარმოების განვითარების მიმართულებით.საქართველო თანდათან იბრუნებს იმ გეოსტრატეგიულ ფუნქციას, რომელიც მას ისტორიულად გააჩნდა. ჩვენ ვართ ქვეყანა, რომელიც აუცილებლად უნდა იყოს ღია ასეთი ტიპის ეკონომიკური ურთიერთობისთვის. ვფიქრობთ, ეს არის მნიშვნელოვანი წინ გადადგმული ნაბიჯი. მინდა, ყველას გადავუხადო ამდლობა, ვინც მის მომზადებაში მიიღო მონაწილეობა“,-განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა

კახა კალაძე Kordz-ის კონცერტის გაუქმებაზე: როდესაც სცენას იყენებ იმისთვის, რომ ვიღაცას შეურაცხყოფა მიაყენო, ეს კატეგორიულად მიუღებელია