"სრულიად შეგნებულად გამოვიყენე ტერმინი კომუნისტები და კიდევ ერთხელ გავიმეორებ, რომ კომუნიზმი საქართველოში არ შეიძლება გახდეს ერთგვარი იდეოლოგიური მიმდინარეობა, რომელსაც რაიმე პერსპექტივა შეიძლება ჰქონდეს",-ასე განმარტა პარლამენტის თავმჯდომარე ირაკლი კობახიძემ კონსტიტუციური ცვლილებების სახალხო განხილვაზე მის მიერ ახალგაზრდების მიმართ გაკეთებული განცხადება.

"რაც შეეხება პირველ რიგში სოციალიზმის და კომუნიზმის ერთმანეთისგან განსხვავებას, მე შეგნებულად გამოვიყენე ტერმინი კომუნისტები და არა სოციალისტები. სოციალისტთან და სოციალ დემოკრატიასთან  არაფერი აქვს საერთო იმ მიდგომებს, რომლებსაც გამოხატავენ ეს ადამიანები. ამიტომ სრულიად შეგნებულად გამოვიყენე ტერმინი კომუნისტები და კიდევ ერთხელ გავიმეორებ იმას, რომ კომუნიზმი საქართველოში არ შეიძლება გახდეს ერთგვარი იდეოლოგიური მიმდინარეობა, რომელსაც რაიმე პერსპექტივა შეიძლება ჰქონდეს. კომუნიზმი გულისხმობს იმას, რომ ჩვენ საუბარი გვაქვს მემარცხენე ექსტრემისტზე, მემარცხენე რადიკალებზე. ამის ადგილი  საქართველოში   ნამდვილად არ არის. ჩვენ გამოვიარეთ ეს პერიოდი 20-იან, 30-იან წლებში, უფრო ადრეც, საქართველოში ამის ადგილი არასდროს იქნება. მადლობა ღმერთს, კომუნიზმის დრო ჩვენ წარსულს ჩავაბარეთ 90-იანი წლების დასაწყისში",-აღნიშნა კობახიძემ.

რაც შეეხება გაუნათლებლებს,  კობახიძის მტკიცებით,  მის განცხადებას არასწორი ინტერპრეტაცია მიეცა გუშინდელ შეხვედრაზევე.

:მოვუწოდე ახალგაზრდებს, რომ იარონ ცოდნის გზით. ისინი არიან იმ ასაკში, როდესაც უნდა შეიძინონ ცოდნა და მას შემდეგ, რაც შეიძენენ ცოდნას, ბუნებრივია, გაიფართოვებენ თავიანთ თვალსაწიერს. ეს მისცემს საშუალებას, სხვანაირად  შეხედონ რაღაცებს. მაგალითად, არ შეხედონ კომუნისტის თვალით გარკვეულ მოვლენებს. რაც შეეხება უცოდინარს და გაუნათლებელს, ეს ტერმინი გამოიყენა სანდრო ბრეგაძემ. ესაა მისი ლექსიკა,  არაა ჩემი ლექსიკა. შესაბამისად მე ამ ლექსიკით არ ვსარგებლობ",-განმარტა კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა