ფრაქცია „ქართული ოცნების თავმჯდომარე მამუკა მდინარაძეს ეროვნულ-დემოკრატიული ინსტიტუტის, NDI-ს კვლევის შედეგების ობიექტურობაში ეჭვი ეპარება.

თუმცა, მაინც ამბობს, რომ ამ კვლევითაც საზოგადოებაში „ქართულ ოცნებას“ უპრეცედენტო მხარდაჭერა აქვს:

„აუცილებელია ვნახოთ, ვინ ატარებს ხოლმე ამ შემთხვევაში  საველე სამუშაოებს. აქედან გამომდინარე, ჩვენ შეგვიძლია დავასკვნათ რამდენად ობიექტურია. ძალიან სამწუხაროა, რომ ასეთი კვლევები წარსულში არასდროს ობიექტური არ ყოფილა, განსკუთრებით პოლიტიკურ ნაწილში და ჩვენ მას ნდობას ვერ გამოვუცხადებთ იმიტომ, რომ ყოველთვის აცდენილია რეალობას. თუმცა შეიძლება მაინც ვილაპარაკოთ გარკვეულ ტენდენციებზე. ამ კვლევითაც კი, რომელიც კრიტიკულად გამოხატავს ხოლმე ჩვენს მიმართ  პოზიციებს, ჩვენ გვაქვს მეორე ადგილზე გასულ პარტიასთან შედარებით სამჯერ მეტი რეიტინგი. ეს იმას ნიშნავს, რომ „ქართულ ოცნებას“ აქვს უპრეცედენტო მხარდაჭერა საზოგადოებაში“,-განაცხადა მამუკა მდინარაძემ.

NDI-ის კვლევის თანახმად, გამოკითხულთა უმრავლესობა აცხადებს, რომ მათ შეხედულებებთან ახლოს არც ერთი პარტია არ დგას.

კერძოდ, კითხვაზე - „რომელი პარტია დგას თქვენს შეხედულებებთან ყველაზე ახლოს“, 38%-მა კატეგორია „არც ერთი“ აირჩია.

გამოკითხულთა 29%-მა განაცხადა, რომ მათ შეხედულებებთან ყველაზე ახლოს „ქართული ოცნება“ დგას; 10%-მა აღნიშნა, რომ "ერთიანი ნაციონალური მოძრაობა"; 4%-მა „არ იცის“; 4%-მა "პატრიოტთა ალიანსი" დაასახელა; 3%-მა პასუხზე უარი განაცხადა, ასევე 3%-მა აღნიშნა, რომ მის შეხედულებებთან ყველაზე ახლოს "ლეიბორისტული პარტიაა“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა