„ყველას ერთად, მთელ ქვეყანას მოგვეჭრა თავი, როდესაც პრემიერი და პრეზიდენტი ვერ შეთანხმდნენ ასოცირების შეთანხმებასთან დაკავშირებით. ამის ერთ-ერთი მთავარი მიზეზი იყო ზუსტად ეს პირდაპირი ლეგიტიმაცია ანუ დისბალანსი ლეგიტიმაციასა და უფლებამოსილებას შორის", - ამის შესახებ პარლამენტის თავმჯდომარემ ირაკლი კობახიძემ საკონსტიტუციო პროექტის საყოველთაო-სახალხო განხილვაზე თელავში განაცხადა.

როგორც კობახიძემ აღნიშნა, სისტემისთვის უმჯობესია, პრეზიდენტი არაპირდაპირი წესით ირჩეოდეს, რადგან, მხოლოდ ასეთ შემთხვევაშია შესაძლებელი  ზეპარტიული პრეზიდენტის არჩევა.

„შავით თეთრზე წერია კონსტიტუციაში, რომ ხელმოწერა იყო პრემიერის პრეროგატივა. მაშინ პრემიერს უნდა მოეწერა ხელი ასოცირების შეთანხმებაზე და ერთადერთი არგუმენტი, რასაც ხელოვნურად იყენებდნენ ჩვენი ოპონენტები, მათ შორის ე.წ. ექსპერტები, იყო პირდაპირი არჩევნები. ისინი ამბობდნენ, რომ კი ბატონო, კომპეტენცია პრემიერის არის, მაგრამ პრეზიდენტი არის პირდაპირ არჩეული და მან უნდა მოაწეროს ხელი ასოცირების შეთანხმებას. ასეთმა მაგალითებმა გვაჩვენა, რომ დისბალანსში ლეგიტიმაციასა და უფლებამოსილებას შორის არის სერიოზული პრობლემა. ჩვენ თუ გვინდა, ეს პრობლემები გამოვრიცხოთ და მივიღოთ ყველაზე დახვეწილი საპარლამენტო მმართველობის სისტემა, ასეთ დროს უმჯობესია, ჩავატაროთ არაპირდაპირი არჩევნები,” - განაცხადა კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა