აფხაზეთის „საგარეო უწყება“: ტრამპის მიერ ხელმოწერილი აქტი, აფხაზეთის ბლოკადასა და საერთაშორისო იზოლაციას ითვალისწინებს

2017-05-11 17:10:47, 654 ნახვა

ოკუპირებული აფხაზეთის დე-ფაქტო საგარეო საქმეთა სამინისტრო ამერიკის შეერთებული შტატების დონალდ ტრამპის მიერ ხელმოწერილის საკანონმდებლო აქტს გამოეხმაურა, რომლის თანახმადაც ამერიკა, იმ ქვეყნებს ფინანსრუად აღარ დაეხმარება, რომლებიც საქართველოს ოკუპირებული რეგიონების, დამოუკიდებლობას აღიარებენ.

"მწუხარებას იწვევს, რომ აშშ-ის ახალი ადმინისტრაცია არასწორი გზით წავიდა და საქართველოს აბსურდულ მოთხოვნებს, რომლებიც კიდევ უფრო მეტ ბლოკადას ითვალისწინებს, მხარს უჭერს. აშშ-ის ლიდერები, რომლებიც საკუთარ თავს წარმოაჩენენ, თავისუფლების და ადამიანის უფლებების დამცველებად მთელ მსოფლიოში, დაუფარავ, ორმაგ სტანდარტებზე დაფუძნებულ პოლიტიკას ატარებენ. ამასთან, მათთვის არასასურველ სახელმწიფოებზე პოლიტიკურ და ფინანსურ წნეხს ახორციელებენ.

ვაშინგტონში უნდა გაიაზრონ, რომ სახელმწიფოს "წახალისების" მსგავსი პრაქტიკა, რომელმაც 2008 წელს ომი გამოიწვია რეგიონში, დისკრიმინაციული ხასიათი მიიღო და არაფერი კარგის მომტანი არ არის. აფხაზეთის საერთაშორისო იზოლაციის პოლიტიკა მხოლოდ ართულებს მხარეებს შორის დიალოგის მიღწევას და აბათილებს ჟენევას დისკუსიების მონაწილეებს შორის გადადგმულ ძალისხმევას", - ნათქვამია დე-ფაქტო უწყებაში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან