„ადამიანის უფლებების სწავლებისა და მონიტორინგის ცენტრის“ წარმომადგენლის განცხადებით, სასამართლო რეფორმის მესამე ტალღის ცვლილებების მიღების მიუხედავად, შერჩევის პრობლემები ვერ აღმოიფხვრა. 

როგორც ვერძულმა ჟურნალისტებს განუცხადა, საჭიროა რეფორმის ახალი ეტაპი. 

„კვლევა აჯამებს სასამართლო სისტემაში არსებულ რეფორმებს. სახეზეა გამოწვევები, რაც ხელს უშლის დამოუკიდებლობას. პრობლემები ეხება მოსამართლეთა შერჩევა-დანიშვნის სისტემას. დღეს საბჭო კენჭს უყრის კონკურსანტებს. მესამე ტალღის ცვლილებების მიღების მიუხედავად, შერჩევის პრობლემები ვერ აღმოიფხვრა. არის დისციპლინური სამართალწარმოების პრობლემა. ასევე, პრობლემურია თავმჯდომარეების დანიშვნის წესი. მოსამართლეებმა თავად უნდა აირჩიონ ისინი. საერთო ჯამში, ანგარიში აჩვენებს, რომ კანონპროექტის განხილვის ბოლო ეტაპზე ბევრი რამე ამოიღეს. რეფორმის ახალი ეტაპია საჭირო“, - აღნიშნა ვერძეულმა. 

კოალიცია „დამოუკიდებელი და გამჭვირვალე მართლმსაჯულებისათვის“ შეხვედრაზე კვლევის შედეგებს წარმოადგენს, რომელიც მოიცავს რეფორმების ანალიზს, მიმოიხილავს სასამართლო სისტემაში უკანასკნელ ტენდენციებს, განიხილავს მოსამართლეთა შერჩევა-დანიშვნის წესს, გამოსაცდელ ვადას და უვადოდ დანიშვნას. 

ფორუმის მიზანია, ხელი შეუწყოს სასამართლო სისტემის საკითხების უკეთ გააზრებას, მათ შორის ხელისუფლების, აღმასრულებელი, საკანონმდებლო და სასამართლო შტოების, პრაქტიკოსი იურისტების ჟურნალისტების მონაწილეობით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა

რუსეთის რკინიგზამ საქართველოსა და სომხეთში ტურის დაწყება გამოაცხადა

საიამ დევნისა და ვანდალიზმის საკითხთან დაკავშირებით ადამიანის უფლებათა ევროპულ სასამართლოს მიმართა