„ნაციონალური მოძრაობის“ წევრის რომან გოცირიძის განცხადებით,  მოსკოვის ყოფილ მერს იური ლუჟკოვს დარღვეული აქვს კანონი „ოკუპირებული ტერიტორიების შესახებ“ და ის  საქართველოს ხელისუფლებას ქვეყანაში არ უნდა შემოეშვა.

„ლუჟკოვი არის კანონდამრღვევი, როდესაც ხელისუფლება არ რეაგირებს სამართლებრივად, ეს არის უღირსი ხელისუფლება, ვინაიდან ლუჟკოვი ჩვენი კანონებით დამნაშავეა. რომ არაფერი ვთქვათ იმ პოლიტიკურ განცხადებებზე, მაგრამ განცხადების უფლება აქვს ნებისმიერ პოლიტიკოსს და როგორი განცხადებით მიმართავდა იგი საზოგადოებას თუნდაც 2008 წელს და ოკუპირებულ ტერიტორიებთან დაკავშირებით, ჩვენ  ეს კარგად ვიცით, მაგრამ ეს არ არის მთავარი. ის არღვევს კანონს. გარდა ამისა, ეს შეფუთულია ისევ რუსული, უკაცრავად და კაგებეშნიკური  საბურველით, რომ თითქოსდა ის ეკლესიის მოწვევით, ან საეკლესიო თემატიკასთან დაკვშირებით, სამლოცველოდ ჩამოვიდა. თითქოსდა რუსული მართლმადიდებლური ეკლესია რაღაცით საქართველოზე გავლენას ახდენს, მაგრამ რუსული ეკლესიის პატრიარქმა ორიოდე კვირის  წინ, ყოფილი სამხრეთ ოსეთის უკანონო  პრეზიდენტი აღიარა და მიულოცა მას პრეზიდენტად არჩევა. ამიტომ, ამ ეკლესიის ზურგს უკან, ლუჟკოვის ჩამოსვლა კიდევ ერთი ფანდია, თუ როგორი იმპერიალისტური პოლიტიკის განმახორციელებელია რუსეთის მთავრობა და რუსეთის ეკლესია. ამიტომ, არ უნდა მოვტყუვდეთ, ლუჟკოვი არ უნდა შემოეშვათ საქართველოში, ეს არის სირცხვილი“,-აღნიშნა რომან გოცირიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კრიმინალური დაჯგუფება სისტემატურად ძალავდა ბიზნესმენს ფულს, უარის შემთხვევაში ბიზნესის რეკეტით და ჯანმრთელობის განადგურებით ემუქრებოდნენ

„SARAJISHVILI“-ს, „ASKANELI“-სა და „ASKANELI V.S.O.P“-ის ბრენდების ფალსიფიციას ახდენდნენ საცხოვრებელ სახლში

პენტაგონი: ირანში კონფლიქტში დაღუპული ამერიკელი სამხედროების რიცხვი 19-მდე გაიზარდა

თვეების განმავლობაში მიმდინარე დავის შემდეგ, ტრამპმა დანიასთან და გრენლანდიასთან შეთანხმებას მოაწერა ხელი