რუსეთის საგრეო უწყება საქართველოში აშშ-ის სამხედრო-ბიოლოგიური ობიექტების გაძლიერებით შეშფოთებულია

2017-05-01 11:23:28, 623 ნახვა

რუსეთის საგარეო საქმეთა სამინისტრო ამერიკის შეერთებული შტატების სახელმწიფო დეპარტამენტის მორიგ მოხსენებაზე, რომელიც სახელმწიფოებს შორის იარაღის გაუვრცელებლობაზე კონტროლის შესახებ შეთანხმებას ეხება განცხადებას ავრცელებს.

როგორც განცხადების ერთ-ერთ ქვეთავშია ნათქვამი, საუბარია ბიოლოგიური და ტოქსიკური იარაღის გავრცელებაზე, სადაც საქართველოც არის ნახსენები.

“არ შეიძლება, არ გვაწუხებდეს ის, რომ აშშ-ი გეგმავს სამხედრო-ბიოლოგიური ობიექტების განლაგებას რუსეთის საზღვრების პერიმეტრზე. განსაკუთრებით გვაშფოთებს საქართველოში, კერძოდ ალექსეევკას დასახლებაში ამერიკის შეერთებული შტატების ქვეითი ჯარების სამედიცინო კვლევების სამმართველოს მნიშვნელოვანი გაძლიერება. პენტაგონი მსგავს პროექტებს რუსეთის სხვა მეზობელი ქვეყნების ტერიტორიაზეც ახორციელებს“, - აღნიშნულია რუსეთის საგარეო უწყების განცხადებაში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან