ქალთა მოძრაობა დღეს შრომით უფლებებთან დაკავშირებით აქციას გამართავს

2017-05-01 10:31:00, 573 ნახვა

1 მაისი მშრომელთა საერთაშორისო სოლიდარობის დღეა.

აღნიშნულთან დაკავშირებით, ქალთა მოძრაობა 13.00-დან14.00-მდე, მთავრობის ადმინისტრაციის წინ, აქციას გამართავს, რომელიც ქალის შრომით უფლებებს მიეძღვნება.

შრომელთა საერთაშორისო დღე, ან შრომის დღესასწაული ან მშრომელთა საერთაშორისო სოლიდარობის დღე აღინიშნება ყოველი წლის 1 მაისს მუშათა საერთაშორისო მოძრაობის სოციალურ-ეკონომიკური მიღწევებისთვის. ეს თარიღი გამოიყენება ერთი შემთხვევის გამო, რამაც დასაბამი მისცა მუშათა ორგანიზებულ წინააღმდეგობას სამუშაო პირობების გაუმჯობესებისთვის. 1884 წელს ორგანიზებულ სავაჭრო და მუშათა პროფკავშირების ფედერაციამ, 1872 წელს კანადის მშრომელთა წარმატებით წაქეზებულმა, მოითხოვა რვა-საათიანი სამუშაო დღე აშშ-ში, რომელიც ძალაში 1886 წლის 1 მაისს უნდა შესულიყო. მას შედეგად საერთო გაფიცვა და ამბოხი მოჰყვა ჩიკაგოში, თუმცა ასევე ოფიციალური სანქციაც რვა-საათიან სამუშაო დღეზე. მაისის დღის ამბოხი მოგვიანებით განმეორდა 1894 და 1919 წლებშიც.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან