„მე დღეს ვერ გავიგე რაზე იყო საუბარი, ჯერჯერობით შესაფასებელი არაფერია“,-ასე გამოეხმაურა „ექსპრესნიუსთან“ საუბარში  „რესპუბლიკური პარტიის“ წევრი ლევან ბერძენიშვილი ყოფილი თანაგუნდელის დავით უსუფაშვილის ინიციატივას, ახალი ცენტრისტული პარტიის შექმნასთან დაკავშირებით.

ბერძენიშვილის თქმით, უსუფაშვილის პოლიტიკაში დაბრუნება მისასალმებელია.

„უპირველეს ყოვლისა უნდა გითხრათ, რომ მე  დღეს ვერ გავიგე რაზე იყო საუბარი. ითქვა, რომ არჩევნების შემდეგ იქმნება პოლიტიკური პარტია. არჩევნების შემდეგ, რომ შეიქმნება პოლიტიკური პარტია იმის მიხედვით  ვინ იქნება, რა იქნება, რა მიმართულება ექნება, იმის შეფასება შეიძლება, მანამდე რა უნდა შევაფასოთ კარგად ვერ გავიგე. ჯერჯერობით შესაფასებელი არაფერი არ არის. ჩვენ დავინახეთ, რომ არის არის მცდელობა,  დაბრუნდეს პოლიტიკაში. მისასალმებელია, რომ ბატონი უსუფაშვილი იქნება პოლიტიკაში, მაგრამ რა პარტიას ჰქმნის, ვისთან ერთად, ვინ არიან, რას აკეთებენ ჯერჯერობით უცნობია. ამიტომაც შესაფასებელია არაფერია“,-განაცხადა ლევან ბერძენიშვილმა.

ცნობისთვის, პარლამენტის ყოფილი თავმჯდომარე დაინტერესებულ პირებს სთავაზობს, ახალი ცენტრისტული პარტია ახალი მიდგომებით შეიქმნას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კრიმინალური დაჯგუფება სისტემატურად ძალავდა ბიზნესმენს ფულს, უარის შემთხვევაში ბიზნესის რეკეტით და ჯანმრთელობის განადგურებით ემუქრებოდნენ

„SARAJISHVILI“-ს, „ASKANELI“-სა და „ASKANELI V.S.O.P“-ის ბრენდების ფალსიფიციას ახდენდნენ საცხოვრებელ სახლში

პენტაგონი: ირანში კონფლიქტში დაღუპული ამერიკელი სამხედროების რიცხვი 19-მდე გაიზარდა

თვეების განმავლობაში მიმდინარე დავის შემდეგ, ტრამპმა დანიასთან და გრენლანდიასთან შეთანხმებას მოაწერა ხელი