პარლამენტის თავმჯდომარე ირაკლი კობახიძე მისი წინამორბედის მიერ ცენტრისტული პარტიის შექმნას გამოეხმაურა.

ჟურნალისტის კითხვაზე- ცენტრისტული პარტია დავით უსუფაშვილის მონაწილეობით შეიძლება თუ არა  ძლიერი პოლიტიკური მოთამაშე გახდეს, კობახიძემ უპასუხა, რომ არჩევნების შედეგებიდან გამომდინარე, ამის მაინცდამაინც დიდი მოლოდინი არ აქვს.

„მაინცდამაინც დიდი მოლოდინი არ მაქვს, ვიცით, როგორი შედეგები ჰქონდა ამ კონკრეტულ პოლიტიკურ ძალას წინა საპარლამენტო  არჩევნებში. აქედან გამომდინარე, რაიმე განსაკუთრებული მოლოდინი არ მექნებოდა“,-აღნიშნა კობახიძემ.

თუმცა, კობახიძე ქვეყანაში ძლიერი პარტიული სისტემის ჩამოყალიბებას მიესალმება და დავით უსუფაშვილს მომავალ საქმიანობაში წარმატებებს უსურვებს:

„ძალიან  მნიშვნელოვანია, საქართველოში ჩამოყალიბდეს  ძლიერი პოლიტიკური პარტიები. საქართველოს დღეს არ აქვს პარტიული სისტემა  როგორც ასეთი. დიდ პატივს ვცემ პირადად ჩემს წინამორბედს, ბატონ დავით უსუფაშვილს და პირადად მას შემიძლია წარმატება ვუსურვო და ძალიან კარგი იქნება, თუ საქართვლეოში ძლიერი პოლიტიკური პარტიები ჩამოყალიბდება. ეს მხოლოდ წაადგება  საქართველოში  ძლიერი პარტიული სისტემის  განვითარებას, ანუ, იმის განვითარებას, რაც დღეს საქართველოში რეალურად არ არსებობს“,-განაცხადა ირაკლი კობახიძემ.

ცნობისთვის, დავით უსუფაშვილი დაინტერესებულ პირებს ახალი, ცენტრისტული პარტიის შექმნას სთავაზობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კრიმინალური დაჯგუფება სისტემატურად ძალავდა ბიზნესმენს ფულს, უარის შემთხვევაში ბიზნესის რეკეტით და ჯანმრთელობის განადგურებით ემუქრებოდნენ

„SARAJISHVILI“-ს, „ASKANELI“-სა და „ASKANELI V.S.O.P“-ის ბრენდების ფალსიფიციას ახდენდნენ საცხოვრებელ სახლში

პენტაგონი: ირანში კონფლიქტში დაღუპული ამერიკელი სამხედროების რიცხვი 19-მდე გაიზარდა

თვეების განმავლობაში მიმდინარე დავის შემდეგ, ტრამპმა დანიასთან და გრენლანდიასთან შეთანხმებას მოაწერა ხელი