ქალაქ რუსთავის მუნიციპალიტეტის მერიის მიწვევით სახელმწიფო სერვისების განვითარების სააგენტოს ინოვაციური სერვისების ლაბორატორიამ, გაეროს განვითარების პროგრამასთან ერთად სამუშაო შეხვედრა გამართა.

ღონისძიება ქალაქ რუსთავში დაგეგმილი მოქალაქეთა მომსახურების ცენტრის მაქსიმალურად მომხმარებელზე ორიენტირებული გარემოს და შიდა დიზაინის შექმნას ისახავდა მიზნად. მოქალაქეთა მომსახურების ცენტრების მშენებლობა ქალაქ რუსთავში მიმდინარე წელს არის დაგეგმილი. აღსანიშნავია, რომ შეხვედრის ფინანსური მხარდაჭერა უზრუნველყო ევროკავშირის მიერ დაფინანსებულმა პროექტმა „მონაწილეობითი ადგილობრივი ბიუჯეტირება ქალაქ რუსთავში.“

სამუშაო შეხვედრა, სერვისლაბის თანამშრომლებმა, ე.წ. Design Thinking-ის მეთოდოლოგიით წარმართეს. სხვადასხვა საჭიროებებისა და პრიორიტეტების გათვალისწინების მიზნით ღონისძიებაში მონაწილეები წარმოადგენდნენ სხვადასხვა სოციალური ჯგუფებს მათ შორის: ახალგაზრდები, კერძო სექტორის, მერიის, არასამთავრობო, ქალთა და სხვა მოწყვლადი ჯგუფების წარმომადგენლები.

ღონისძიების შედეგად გამოიკვეთა ის მიდგომები, რაც მნიშვნელოვანია სხვადასხვა ჯგუფებისთვის მუნიციპალური სერვისების კომფორტულად, ხარისხიანად და მომხმარებელზე ორიენტირებული სივრცის შესაქმნელად. ჩამოყალიბებული იდეების განხორციელებისთვის სამუშაო ჯგუფებში მუშაობდნენ საერთაშორისო საქართველოს ტექნიკური უნივერსიტეტის დიზაინის სკოლის და არქიტექტურის ფაკულტეტის სტუდენტები, რომლებმაც შექმნეს სამომავლო სივრცის პროტოტიპები.

აღსანიშნავია, რომ სსგს საკუთარი მანდატიდან გამომდინარე, მუშაობს როგორც ცენტრალური ასევე ადგილობრივი სახელმწიფო სერვისების განვითარებაზე და მათ მომხმარებელზე ორიენტირებულობის უზრუნველყოფაზე. ქალაქ რუსთავთან თანამშრომლობა სწორედ ამ მიზანს ემსახურება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლიციამ მკვლელობის მომზადებისა და ე.წ ქურდული სამყაროს წევრობის ბრალდებით 3 პირი დააკავა, ხოლო ე.წ კანონიერ ქურდს ბრალი დაუსწრებლად წარედგინება

თიბისი ბათუმში ბრიტანული დღეების პარტნიორია

თეონა აქუბარდია - გაეროში კობახიძის გამოსვლა აჩვენებს, რომ საგარეო-პოლიტიკურ ენაში ევროინტეგრაცია და ოკუპაციის დასრულების დღის წესრიგი უკანა პლანზე გადადის

სუს-მა ტერორისტულ ორგანიზაცია ისლამურ სახელმწიფოში გაერთიანებისა და ტერორისტულ საქმიანობაში დახმარების ფაქტზე საქართველოს ორი მოქალაქე დააკავა