განსაკუთრებული პატივისცემით მინდა მივესალმო ფინანსთა სამინისტროს შემოსავლების სამსახურის თითოეულ თანამშრომელს. განსაკუთრებით, მსურს ხმა მივაწვდინო შემოსავლების სამსახურის იმ თანამშრომლებს, რომლებიც ახლა, ამ წუთებში საქართველოს სხვადასხვა რეგიონში, საქართველოს ეკონომიკურ საზღვარს იცავენ, - ამის შესახებ პირველმა ვიცე-პრემიერმა, ფინანსთა მინისტრმა დიმიტრი ქუმსიშვილმა აღნიშნული სამსახურის 10 წლის იუბილეზე სიტყვით გამოსვლისას განაცხადა.

პირველი ვიცე-პრემიერის განცხადებით, შემოსავლების სამსახურის როლი ქვეყნის ოთხპუნქტიანი გეგმის განხორციელებაში უაღრესად მნიშვნელოვანია. კერძოდ საუბარია ეკონომიკური და ღია მმართველობის რეფორმების მიმართულებით შემოსავლების სამსახურის ჩართულობაზე. დიმიტრი ქუმსიშვილის თქმით, მიმდინარე ეკონომიკური რეფორმა ითვალისწინებს მნიშვნელოვანი საგადასახადო-ფისკალური გადაწყვეტილებების მიღებას, რომლის მიზანსაც ქვეყნის ეკონომიკური ზრდის ტემპის დაჩქარება, ბიზნესის მხრიდან მეტი ინვესტიციების განხორციელება და ახალი სამუშაო ადგილების შექმნა წარმოადგენს.

„მოგების გადასახადის წარმატებული რეფორმა მეტწილად დამოკიდებულია მის იმპლემენტაციაზე. ამდენად, მინდა სიამაყით აღვნიშნო, რომ შემოსავლების სამსახურმა ბევრი შეხვედრა გამართა იმისათვის, რომ საბოლოო ჯამში ჩვენ მიგვეღო 50,000-ზე მეტი დეკლარაცია", - განაცხადა პირველმა ვიცე-პრემიერმა. მისი თქმით, სამომავლოდ იგეგმება ბიზნესისადმი მეგობრული არაერთი კანონის მიღება, რომელიც ხელს შეუწყობს საქმიანი გარემოს გაუმჯობესებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლიციამ მკვლელობის მომზადებისა და ე.წ ქურდული სამყაროს წევრობის ბრალდებით 3 პირი დააკავა, ხოლო ე.წ კანონიერ ქურდს ბრალი დაუსწრებლად წარედგინება

თიბისი ბათუმში ბრიტანული დღეების პარტნიორია

თეონა აქუბარდია - გაეროში კობახიძის გამოსვლა აჩვენებს, რომ საგარეო-პოლიტიკურ ენაში ევროინტეგრაცია და ოკუპაციის დასრულების დღის წესრიგი უკანა პლანზე გადადის

სუს-მა ტერორისტულ ორგანიზაცია ისლამურ სახელმწიფოში გაერთიანებისა და ტერორისტულ საქმიანობაში დახმარების ფაქტზე საქართველოს ორი მოქალაქე დააკავა