ვიცე პრემიერი, ენერგეტიკის მინისტრი კახა კალაძე კომპანია „ინტერ რაოს“ მიერ საქართველოს მთავრობასთან დაწყებულ დავას გამოეხმაურა.

როგორც კალაძემ აღნიშნა, მოლაპარაკებები მიმდინარეობს და საქმე შესაძლოა არ მივიდეს არბიტრაჟამდე.

„რამდენიმე  დღის წინ მივიღეთ შეტყობინება არბიტრაჟთან დაკავშირებით, შესაბამისად ჩვენ ყველაფერს გავაკეთებთ იმისთვის, რომ მოვემზადოთ, წარმოვადგინოთ შესაბამისი დოკუმენტაცია.  შეიძლება არბიტრაჟამდე არც მივიდეს საქმე. ეს არის ძალიან გრძელვადიანი პროცესი. შეიძლება შედგეს მოლაპარაკებები“,-განაცხადა კახა კალაძემ.

მან ასევე კომპანია ყაზტრანსგაზთან დაკავშირებითაც ისაუბრა.

მინისტრის თქმით, ყაზტრანსგაზის გადაწყვეტილება, რომ საქართველოს საერთაშორისო საარბიტრაჟო სასამართლოში უჩივლოს მოულოდნელია.

ყაზტრანსგაზთან დაკავშირებით ჩვენი მოთხოვნა იყო, ის რომ დაბრუნებულიყო  ყაზახური მენეჯმენტი მმართველობაში, თუმცა სამწუხაროდ  ეს ვერ შედგა. სხვა დამატებით საკითხებზე მე თავს შევიკავებ კომენტარის გაკეთებისგან, რადგან შეიძლება შემდეგ ჩემი კომენტარი გამოყენებული იქნეს არბიტრაჟში ისევ ამ ამ კონკრეტულ საქმეში“,-დასძინა კალაძემ.

ცნობისთვის, „ინტერ რაო“  ლარის გაუფასურების გამო კომპენსაციას ითხოვს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პენტაგონი: ირანში კონფლიქტში დაღუპული ამერიკელი სამხედროების რიცხვი 19-მდე გაიზარდა

თვეების განმავლობაში მიმდინარე დავის შემდეგ, ტრამპმა დანიასთან და გრენლანდიასთან შეთანხმებას მოაწერა ხელი

Iltalehti: ბალტიისპირეთის თავდაცვის მინისტრებმა ფონ დერ ლაიენს საიდუმლო წერილი მისწერეს

მაკრონი: ირანის დაბომბვა ქვეყანაში ხელისუფლების შეცვლას არ გამოიწვევს