თავდაცვის სამინისტროში უარყოფენ ინფორმაციას, რომ თავდაცვის სამინისტროს გენინსპექციის უფროსის ყოფილი მოადგილე ვალერიან ზუმბაძე უწყების მანქანით სარგებლობს. 

როგორც უწყებაში აცხადებენ, მანქანით, რომელიც  ზუმბაძეს  ემსახურებოდა,  ამჟამად თავდაცვის სამინისტროს მოქმედი თანამშრომელი სარგებლობს. 

„ვალერიან ზუმბაძე არ არის თავდაცვის სამინისტროს მოქმედი თანამშრომელი. მას შემდეგ, რაც მან გადადგომასთან დაკავშირებით განცხადება დაწერა და ავტომატურად გადავიდა კადრების განკარგულებაში, შესაძლებელია, რამდენჯერმე იმყოფებოდა სამინისტროში, რაც უკავშირდებოდა მისი ფუნქცია-მოვალეობების გადაბარების პროცესს. 
ვალერიან ზუმბაძე ამჟამად არ სარგებლობს თავდაცვის სამინისტროს ავტომობილით. აღნიშნული ავტომობილით სარგებლობს სხვა პირი, თავდაცვის სამინისტროს ერთ-ერთი მოქმედი თანამშრომელი“, – ნათქვამია თავდაცვის სამინისტროს განცხადებაში. 
ამასთან, როგორც უწყებაში აცხადებენ, მინისტრის ოჯახს არ ემსახურება არც სახელმწიფო დაცვის სპეციალური სამსახურის დაცვა და არც დაცვის რომელიმე სხვა სამსახური. 
„თავად თავდაცვის მინისტრის დაცვას უზრუნველყოფს სამხედრო პოლიციის სპეციალური დანაყოფი, რომელიც პარალელურად, არსებული სამოქმედო გეგმის ფარგლებში, ახორციელებს პროფილაქტიკურ ღონისძიებებს მინისტრის ოჯახის წევრების ადგილსამყოფელისა და მონახულების ადგილების უსაფრთხოების უზრუნველყოფის მიზნით“, – აღნიშნულია განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინაში კიდევ ერთი ქართველი მებრძოლი ბაჩო ბებია დაიღუპა

კალასი: საქართველო დემოკრატიის უკუსვლიდან შემობრუნების არანაირ ნიშანს არ აჩვენებს

ზელენსკის თქმით, დრუჟბას ნავთობსადენი ოპერაციების განახლებისთვის მზადაა

იოზვიაკი წერს, რა განიხილეს EU-ის მინისტრებმა დღევანდელ შეხვედრაზე საქართველოზე