„ჩვენ საზოგადოებას სურს, რომ ევროპული ღირებულებების მქონე სახელმწიფოში იცხოვროს და არა ივანიშვილის ბაღში, განსხვავებით კვირიკაშვილისა და კალაძისგან“, - ასე მიმართა საპარლამენტო უმრავლესობას „ერთიანი ნაციონალური მოძრაობის“ ლიდერმა ნიკა მელიამ.

მისი თქმით, ქვეყანაში ერთპიროვნული მმართველობაა, რომელიც დემოკრატიულ ინსტიტუტებს ანადგურებს.

„ჩვენ არ გვყავს მთავრობა, ქვეყანაში მხოლოდ ერთპიროვნული, ოლიგარქიული მმართველობაა, რომელიც ანადგურებს დემოკრატიულ ინსტიტუტებს, ფეხქვეშ თელავს კონსტიტუციას და  მედიის დამორჩილებას ცდილობს და ეს ყველაფერი მხოლოდ იმიტომ ხდება, რომ ერთ ადამიანს სურს ასე. არავინ ფიქრობს იმაზე, რა სურს მოსახლეობის უდიდეს ნაწილს?! მათ უნდათ იცხოვრონ ევროპული ღირებულებების მქონე სახელმწიფოში და არა ივანიშვილის ბაღში, განსხვავებით კალაძისა და კვირიკაშვილისგან; მათ სურთ ჰქონდეთ სამსახური და არჩინონ ოჯახები; არ წაართვას სახელმწიფომ ხშირ შემთხვევაში ერთადერთი შემოსავალი - სოციალური დახმარება; აქ ცხოვრობენ დევნილები, რომელთაც მხოლოდ ჭერი სურთ რომ ქუჩაში არ იყვნენ. ჩვენ საზოგადოებას არ უნდა, რომ პოლიცია მიუღებელი მეთოდებით - ნარკოტიკებისა და იარაღის ჩადებით ებრძოდეთ. ის სურათი, რაც დღეს პარლამენტშია წარმოდგენილი რეალობას არ ასახავს არც სახელისუფლებო და არც ოპოზიციის ჭრილში. თქვენი რაოდენობა არ ასახავს მოსახლეობის განწყობას. ამიტომ, ნუ მიეცემით თვითკმაყოფილებას“, - განაცხადა ნიკა მელიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპსა და ზელენსკის შეხვედრის შემდეგ, შესაძლოა Patriot-ის წარმოების ლიცენზია უკრაინას გადაეცეს

აშშ-ის სანქციების გამო, თურქეთმა ირანთან საავიაციო და საბანკო ურთიერთობების გაწყვეტა დაიწყო

ევროკავშირმა, საფრანგეთისა და ლუქსემბურგის ზეწოლის ქვეშ, უსმანოვისა და ფრიდმანის წინააღმდეგ სანქციები მოხსნა

გერმანიაში, ამერიკულ საჰაერო ბაზაზე თვითმფრინავი ჩამოვარდა, პილოტი კატაპულტირების შემდეგ გადარჩა