ამალი-დევდორაკის ხეობაში არსებული სტიქიური მოვლენების საკითხზე სახელმწიფო უსაფრთხოებისა და კრიზისების მართვის საბჭოში იმსჯელეს.

შეხვედრას გარემოსა და ბუნებრივი რესურსების დაცვის მინისტრის მოადგილე თეიმურაზ მურღულია, კრიზისების  მართვის ეროვნული ცენტრის  ხელმძღვანელი ნოდარ ნადირაშვილი,  შვეიცარიიდან მოწვეული  ექსპერტები და სამთავრობო უწყების წარმომადგენლები ესწრებოდნენ.

გარემოს დაცვის სამინისტროს ინფორმაციით, მხარეებმა,   უცხოელ ექსპერტებთან ერთად  სტიქიურ ზონაში არსებულ მდგომარეობასა და მის გადაჭრის გზებზე იმსჯელეს.

„შვეიცარიიდან სპეციალურად მოწვეული ექსპერტები ამალი-დევდორაკის ხეობაში წინასწარი გაფრთხილების სისტემის დამონტაჟებასთან დაკავშირებით მოამზადებენ დასკვნას, რის საფუძველზეც  შემუშავდება ტექნიკური დავალება.  რომლის შემდგომ  უკვე შესაძლებელი იქნება განისაზღვროს რა სახის მოწყობილობა არის შესაძლებელი დამონტაჟდეს წინასწარი შეტყობინებისთვის“, - ნათქვამია უწყების განცხადებაში.

შეგახსენებთ რომ, შვეიცარიელი ექსპერტები ყაბზეგში რამოდენიმე დღე ინყოფებოდნენ. მათ ადგილზე შეისწავლეს სტიქიური ზონა, ვერტმფრენით დაათვალიერეს მყინვარი დევდორაკი და ამალის ხეობა. სპეციალისტებმა  ადგილზე შეარჩიეს  ტერიტორიები , სადაც  განლაგდება ადრეული შეტყობინების სისტემისათვის საჭირო ხელსაწყო-დანადგარები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს