საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრმა“ ახალგაზრდული პროგრამა „მოხალისე“ განაახლა.

პროგრამა იუსტიციის სახლთან ერთად ქვეყნის მასშტაბით 13 ქალაქში განხორციელდება და მასში მონაწილეობას 14-დან 18 წლამდე ასაკის ახალგაზრდები მიიღებენ. პროგრამის მიზანი ახალგაზრდებში მოხალისეობრივი კულტურის განვითარებაა.

პროგრამა ახალგაზრდებს  საშუალებას მისცემს გარკვეული ტრენინგკურსის გავლის შემდეგ, გარკვეული დროით,  იუსტიციის სახლის მოხალისე თანამშრომლები გახდნენ და  იუსტიციის სახლის თანამშრომლებს საჭიროების მიხედვით მოქალაქეების მიღებაში დაეხმარონ.

მომავალი მოხალისეებისთვის დღეიდან ინტენსიური ტრენინგები დაიწყო. პირველი ტრენინგი კი ინგლისურ ენაზე ჩატარდა, რომელსაც დანაშაულის პრევენციის ცენტრის ამერიკელი მოხალისე სარა იანგი უძღვებოდა. ახალგაზრდებმა ინგლისურ ენაზე მოქალაქეებთან   კომუნიკაციის იმიტირებული შემთხვევები გაითამაშეს და ამერიკელი მოხალისესგან რჩევებიც მიიღეს.

პროგრამა „მოხალისე“ დედაქალაქის გარდა 12 ქალაქში განახლდება. ინტენსიური ტრენინგები და პრაქტიკული საქმიანობები პროგრამის მონაწილე მოზარდებისთვის მნიშვნელოვანია, რადგან ამ კურსის გავლის შემდეგ მოხალისეები უფრო მომზადებულნი ჩაერთვებიან იუსტიციის სახლში მოქალაქეების მიღების პროცესში. 

როგორც ცნობილია, იუსტიციის სამინისტროს დანაშაულის პრევენციის ცენტრის ერთ–ერთი მიმართულებაა ახალგაზრდებში ჯანსაღი ცხოვრების წესის პოპულარიზაცია, შემოქმედებითი ინიციატივების განვითარება, მოხალისეობრივი კულტურის წახალისება და სამოქალაქო ცნობიერების ამაღლება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს