პირველმა ვიცე-პრემიერმა, ფინანსთა მინისტრმა, დიმიტრი ქუმსიშვილმა ცენტრალური ევრაზიის ლიდერთა ალიანსის (CELA) ორგანიზებით გამართულ რეგიონულ კონფერენციაზე „ინოვაციების როლი XXI  საუკუნის საქართველოში" მოხსენება გააკეთა.
 
როგორც პირველმა ვიცე-პრემიერმა განაცხადა, ინოვაციური განვითარების კუთხით ქვეყნებს შორის გამოცდილების გაზიარება ძალიან მნიშვნელოვანია.
 
„საქართველო  ნამდვილად ლიდერი ქვეყანაა ამ მიმართულებით. ჩვენ საკმაოდ კარგი შედეგები გვაქვს ამ კუთხით. აღვნიშნავ ერთ - „ბიზნესის კეთების სიმარტივის რეიტინგს". შინაარსობრივად, ეს რეიტინგი ასახავს, რამდენად წინ არის წასული ჩვენი სახელმწიფო ბიზნესთან ურთიერთობაში, რამდენად ნაკლებ დროსა და თანხებს ხარჯავს ბიზნესი სახელმწიფოსთან ურთიერთობაში. რა თქმა უნდა, ეს ყველაფერი შეუძლებელია სტრუქტურული რეფორმების, საჯარო სექტორში ინოვაციების დანერგვის გარეშე. ჩვენ გვაქვს ასეთი ინოვაციური პროექტი და ესაა „ბიზნესსახლი", რომლის დასრულების შემდეგ, 600-მდე სერვისი თავს მოიყრის ერთ ჭერქვეშ. ამავე დროს, შეიქმნება უნიკალური ელექტრონული პლატფორმა, რომელიც ჩვენს კერძო სექტორს ნებისმიერი მომსახურების ელექტრონულად მიღების შესაძლებლობას მისცემს", - აღნიშნა დიმიტრი ქუმსიშვილმა.
 
ცენტრალური ევრაზიის ლიდერთა ალიანსი დაარსდა 2002 წელს ამერიკელ ბიზნესმენთა ასოციაციის (SIBF) მიერ და ამ დროისათვის აერთიანებს 400-მდე ლიდერს კავკასიისა და შუა აზიის ცხრა ქვეყნიდან (საქართველო, სომხეთი, აზერბაიჯანი, ყირგიზეთი, ყაზახეთი, უზბეკეთი, თურქმენეთი, ტაჯიკეთი და ავღანეთი).

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი უკრაინის პრემიერ-მინისტრს და ძალოვან მინისტრებს ცვლის

სიკორსკი: რუსეთს პოლონეთზე თავდასხმის რესურსები არ აქვს, მაგრამ ისინი რაღაცას ამზადებენ

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა