რაქვიაშვილი პუტინის გადაწყვეტილებაზე: ეს არის არა მხოლოდ საქართველოს, არამედ ევროპის უსაფრთხოების არქიტექტურის დაზიანება

2017-03-15 11:53:42, 377 ნახვა

საქართველოს ეროვნული უშიშროების საბჭოს მდივანის დავით რაქვიაშვილის განაცხადებით, რუსეთის პრეზიდენტის ვლადიმერ პუტინის გადაწყვეტილება, ოკუპირებული სამხრეთ ოსეთის "შეიარაღებული ძალების ქვედანაყოფის" რუსეთის არმიის შემადგენლობაში გადასვლის თაობაზე, არის არა მხოლოდ საქართველოს, არამედ ევროპის უსაფრთხოების არქიტექტურის დაზიანება.

რაქვიაშვილის თქმით, საოკუპაციო ზოლზე არსებული ვითარება ისტორიული უსამართლობაა.

საქართველოს ეროვნული უშიშროების საბჭოს მდივანი საოკუპაციო ზოლის მიმდებარე სოფელ ხურვალეთში იმყოფებოდა.

რაქვიაშვილი ოკუპირებულ მხარეს მოყოლილი ვანიშვილების ოჯახის მდგომარეობით დაინტერესდა. მან დათა ვანიშვილისგან არსებული პრობლემების შესახებ პირადად მოისმინა.

ხურვალეთიდან რაქვიაშვილი შინდისში გაემგზავრა, სადაც 2008 წლის ომში დაღუპული „შინდისელი გმირების“ მემორიალთან მივა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან