2015 წლის მარტში წინა თვესთან შედარებით საქართველოში ინფლაციის დონემ 1,2 პროცენტი შეადგინა. 

საქსტატის ინფორმაციით, მოცემულ პერიოდში ინფლაციის მაჩვენებლის ფორმირებაზე ძირითადი გავლენა ფასების ცვლილებამ იქონია. 

სურსათსა და უალკოჰოლო სასმელებზე მოცემულ პერიოდში ფასები 1.2 %–ით გაიზარდა, შესაბამისად, ჯგუფის წვლილმა თვის ინფლაციის მთლიან მაჩვენებელში 0,37 პროცენტული პუნქტი შეადგინა. 

ფასების ზრდა დაფიქსირდა ხილსა და ყურძენზე –18.7%–ით.  ყავა, ჩაი და კაკაოზე ფასებმა 4.5%–ით , ბოსტნეულსა  და ბაღჩეულზე 3.5%–ით, თევზეულზე კი 2.4 %–ით მოიმატა. 

ამასთან, ფასები  რძეზე, ყველსა და კვერცხზე 4.7%–ით შემცირდა. 

ავეჯზე, საოჯახო ნივთებზე და სახლის მოვლის საშუალებებზე ფასები 4,4 პროცენტით გაიზარდა, რაც თვის ინფლაციის მთლიან მაჩვენებელზე 0,28 პროცენტული პუნქტით აისახა.

როგორც საქსტატში აცხადებენ,  ფასების აღნიშნული ზრდა მნიშვნელოვნად განაპირობა ძირითად ელექტრონულ ან არაელექტრონულ საოჯახო მოწყობილობებზე ფასების 9,7-პროცენტიანმა მატებამ; 
ტრანსპორტზე წინა თვესთან შეარებით, ფასები 1.3 %–ით გაიზარდა,  შესაბამისად ჯგუფის წვლილმა თვის ინფლაციის მთლიან მაჩვენებელში 0,15 პროცენტული პუნქტი შეადგინა. ფასები გაიზარდა სატრანსპორტო საშუალებების შეძენაზე (4,6 პროცენტი).

რაც შეეხება 2015 წლის მარტში საქართველოში ინფლაციის დონეს , წინა წლის მარტთან შედარებით, ის 2.6%–ს შეადგენს. 

საქსტატის ინფორმაციით, წლიური ინფლაციის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე:

სურსათსა და უალკოჰოლო სასმელებზე 12 თვიან პერიოდში ფასები 3,7%–ით გაიზარდა, შესაბამისად, ჯგუფის წვლილმა წლიური ინფლაციის მთლიან მაჩვენებელში 1,15 პროცენტული პუნქტი შეადგინა.
აღსანიშნავია ფასების მატება ხილსა და ყურძენზე, რომელიც 27.2%–ს შეადგენს. ყავა, ჩაი და კაკაოზე  ფასებმა 6,8 პროცენტით, ზეთსა და ცხიმზე 4,8 პროცენტით , თევზეულზე  4,1 პროცენტით და ხორცსა და ხორცის პროდუქტებზე 3,7 პროცენტით გაიზარდა. 

ჯანმრთელობის დაცვის ჯგუფში,  მოცემულ პერიოდში ფასები გაიზარდა 6,0 პროცენტით, რამაც წლიური ინფლაციის მთლიან მაჩვენებელზე 0,63 პროცენტული პუნქტით მოახდინა გავლენა. ფასები 9.1%–ით  გაიზარდა სამედიცინო პროდუქციის, აპარატურისა და მოწყობილობების ქვეჯგუფზე, ამბულატორიულ სამედიცინო მომსახურებასზე 4,7 პროცენტით  და საავადმყოფოების მომსახურებაზე 4,6 პროცენტით.

ალკოჰოლური სასმელებსა და თამბაქოზე  ფასები გაიზარდა 9,9 პროცენტით, რაც ინფლაციის მთლიან მაჩვენებელზე 0,50 პროცენტული პუნქტით აისახა. ფასები გაიზარდა როგორც ალკოჰოლურ სასმელებზე (9,7 პროცენტი), ასევე თამბაქოს ნაწარმზე (9,9 პროცენტი); 

ტრანსპორტის ჯგუფში ფასები შემცირდა 6,6 პროცენტით, რაც წლიურ ინფლაციაზე -0,79 პროცენტული პუნქტით აისახა. აღსანიშნავია ფასების კლება პირადი სატრანსპორტო საშუალებების ექსპლუატაციაზე, რაც – 11.1%–ს შეაგდენს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიაში, ამერიკულ საჰაერო ბაზაზე თვითმფრინავი ჩამოვარდა, პილოტი კატაპულტირების შემდეგ გადარჩა

აზერბაიჯანმა ირანული ავიაკომპანიების რეისები აშშ-ის სანქციების გამო შეაჩერა.

ტრამპი გაეროს გენერალურ ასამბლეაზე სიტყვით გამოვიდა და განაცხადა, რომ რვა ომი დაასრულა

ანი ნადარეიშვილი, ბაჩო ახალაიას ცოლი „ნაციონალური მოძრაობის“ პოლიტსაბჭოს წევრი გახდა