„ევროპული საქართველოს“  წევრის სერგი კაპანაძის განცხადებით, „ქართულ ოცნებას“ სურს, პრეზიდენტთან არსებული ეროვნული უშიშროების საბჭო საერთოდ აღარ არსებობდეს.  ამასთან, როგორც კაპანაძემ ჟურნალისტებს განუცხადა, არის მცდელობები, პრეზიდენტის ფუნქციების ყველა მიმართულებით მინიმუმამდე დაყვანის.

„ქართული ოცნება“ ცდილობს,  რომ უშიშროების საბჭო კი არ გააუქმოს მარტო, ზოგადად პრეზიდენტს გაუქროს ის მცირე ფუნქციები, რომელიც მას გააჩია. ამას აკეთებს იმ მოტივით, რომ არ სურს ჰქონდეთ თუნდაც ოდნავი მაბალანსებელი  ორგანო. ჩვენთან დღეს უსაფრთხოების და უშიშროების თემები არის მთლიანად მოშლილი. პრეზიდენტის მხრიდან არის ინიციატივა, რიმ უსაფრთხოების საკითხებზე იყოს რაღაც ზეეროვნული, ზეპარტიული დისკუსია. ამაზე პასუხად ხელისუფლება აპირებს პირიქით უშიშროების საბჭოს ფუნქციები შეამციროს. არ მგონია, რომ იყოს სახელმწიფოებრივი ქმედება. არის მცდელობები, ყველა მიმართულებით, მინიმუმამდე დაიყვანონ პრეზიდენტის ფუნქციები“,-აღნიშნა სერგი კაპანაძემ.

საპარლამენტო უმრავლესობის წევრმა დავით მათიკაშვილმა კი დღეს განაცხადა, რომ  საკონსტიტუციო კომისიის სხდომაზე გამოითქვა მოსაზრება,  ტერმინი უშიშროების საბჭო შეიცვალოს თავდაცვის საბჭოთი და მისი შეკრება მოხდეს მაშინ, როდესაც ქვეყანაში საგანგებო ან  საომარი მდგომარეობაა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანი ნადარეიშვილი, ბაჩო ახალაიას ცოლი „ნაციონალური მოძრაობის“ პოლიტსაბჭოს წევრი გახდა

მოსამართლე გიორგი არევაძემ გაამართლა თურქი ბიზნესმენი, რომელმაც 20 წლის ფეხბურთელი გოგონა გაუპატიურებაში ადანაშაულებდა

პროკურატურა - გურჯაანში 60 წელს გადაცილებული მამაკაცი რამდენიმე წლის განმავლობაში, ძალადობით, არასრულწლოვნის მიმართ სექსუალური ხასიათის ქმედებებს ახორციელებდა, შემდეგ კი გააუპატიურა

საქართველოს ბანკის მხარდაჭერით, 500 Global in Eurasia-ს აქსელერაციის პროგრამის XI ნაკადის გადამზადება დაიწყო