პარლამენტში საკონსტიტუციო კომისიის მორიგი სხდომა მიმდინარეობს.

როგორც სხდომის დაწყებამდე ჟურნალისტებს კონსტიტუციონალისტმა ვახუშტი მენაბდემ განუცხადა, სამოქალაქო სექტორი გამოდის ინიციატივით, საქართველოს კონსტიტუციაში აისახოს საზოგადოებრივი მაუწყებლის კონსტიტუციური გარანტია, რათა მან საზოგადოების პოლიტიკურ კულტურული და სოციალური პრობლემები გადმოსცეს და თავისუფალი იყოს სახელმწიფო და კომერციული გავლენისგან.

„კონსტიტუციურ დონეზე უნდა იყოს საქართველოს მოქალაქეთა უფლება გარანტირებული, რომ ჰქონდეს საზოგადოებრივი მაუწყებელი, რომელიც თავისუფალი იქნება სახელმწიფო და კომერციული გავლენებისგან და რომელიც გადმოსცემს პოლიტიკურ, კულტურულ და სოციალურ პრობლემებს. მიუხედავად იმისა, ვისთვისაა მისაღები მისი გაშუქება და ვისთვის არა. ანუ პარლამენტს დაავალდებულებს, რომ შექმნან შესაბამისი კანონმდებლობა. საზოგადოებრივი მაუწყებლის შესახებ ეს კანონმდებლობა გვაქვს, თუმცა არაა კონსტიტუციური ვალდებულება და შეიძლება არ გვქონდეს ხვალ თუ ამ ან სხვა უმრავლესობას მოუნდა საზოგადოებრივი მაუწყებლის გაუქმება“, - აღნიშნა ვახუშტი მენაბდემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა

სამეფო ოპერის თეატრმა დიდი ბრიტანეთის პრემიერ-მინისტრს პაატა ბურჭულაძის საქმეში ჩარევისკენ მოუწოდა

საქართველოს რაგბის ეროვნული ნაკრების ყოფილი კაპიტანს დოპინგის ბრალდებით 11 წლით დისკვალიფიკაცია მისცეს

EU-ის წარმომადგენლობა: ვულოცავთ შიო III-ს სრულიად საქართველოს კათოლიკოს-პატრიარქად გამორჩევას