„ დღეს, ბიძინა ივანიშვილმა მთავრობის წარმომადგენლები ურეკში, რომ დაიბარონ თავპირისმტვრევით გაიქცევიან და გაასწრებენ  ერთმანეთს“,-ამის შესახებ ფრაქცია „ნაციონალური მოძრაობის“ ერთ-ერთმა ლიდერმა აკაკი ბობოხიძემ პარლამენტში, პრეზიდენტის ყოველწლიური მოხსენებით გამოსვლის შემდეგ განაცხადა. 
მისივე თქმით, დღევანდელი ხელისუფლების მთავარი ორიენტირი ყოფილი პრემიერი ბიძინა ივანიშვილია.
„ჩვენ დღეს ვხედავთ გაუთავებელ  იწილო-ბიწილოს, მოვა თუ არა მთავრობა პრეზიდენტთან მოსმენაზე. პრეზიდენტი არის ყველაზე მაღალი ლეგიტიმაციის მქონე პირი ამ ქვეყანაში, ერთადერთი  პირი, რომელსაც აქვს მთელი ქვეყნის მასშტაბით  ლეგიტიმაცია და აი ამ პრეზიდენტს მთავრობამ თურმე არ უნდა მოუსმინოს.  დარწმუნებული ვარ, დღეს ბიძინა ივანიშვილმა  ურეკში, რომ დაიბაროს ეს მთავრობა  გზაში ალბათ თავპირისმტვრევით  გაიქცევა და ერთმანეთს გაასწრებენ.  სხვათაშორის ის, რომ ბატონი ივანიშვილია  ამ ხელისუფლების მთავარი  ორიენტირი, კარგად გამოჩნდა ბატონი გოგი თოფაძის  გამოსვლაში, როდესაც მან   დაიმოწმა საქართველოს ხელისუფლების  სწორად მოქმედების  განსაზღვრის თვალსაზრისით, სწორედ  ბიძინა ივანიშვილის სიტყვები დაიმოწმა  და არა  საქართველოს პრემიერის სიტყვები.  საქართველოს მოსახლეობას მინდა ვუთხრა,  რაც არ უნდა კარგი მმართველი იყოს ბატონი ღარიბაშვილი, თუმცა ის კარგი საწუხაროდ ვერ არის. მას ორი მინუსი აქვს: ერთი, რომ   ერ არის კარგი მენეჯერი,  მეორე რომც იყოს კარგი მენეჯერი არაფორმალური მმართვის შემთხვევაში შეუძლებელია  ქვეყანაში იყოს წარმატებები და ის,  რომ ქვეყანაში არის არაფორმალური მართვა ამას ადასტურებს  ბატონი პრეზიდენტის გამოსვლა და  ამას ადასტურებს ყოფილი უმარვლესობის წარმომადგნლების გამოსვლა და ამას ადასტურებს ბატონი გოგის გამოსვლა“,-განაცხადა  აკაკი ბობოხიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს