საქართველოს პრემიერ-მინისტრი გიორგი კვირიკაშვილი მთავრობის სხდომაზე საზოგადოებრივ მაუწყებელში მიმდინარე მოვლენებს გამოეხმაურა. პრემიერის თქმით, მაშინ, როდესაც საზოგადოებრივი მაუწყებელი ათეულობით მილიონი ლარით ფინანსდება, არასაინტერესო პროდუქტის მიღებას ვერ შეეგუებიან. პრემიერი საზოგადოებრივ მაუწყებელში დაწყებულ  პროცესებს მიესალმება:

„ვფიქრობ, ძალიან მნიშვნელოვანია, რომ ჩვენმა საზოგადეობამ იცოდეს, მთავრობა და ხელისუფლება დაინტერესებულია, რომ საქართველოს ჰყავდეს თანამედროვე სტანდარტებთან შესაბამისი და საინტერესო საზოგადოებრივი მაუწყბელი. ასევე მინდა, ვთქვა, რომ დღეს ჩვენ ათეულობით მილიონ ლარს ვიხდით ამ პროდუქტში და ვერ შევეგუებით, რომ ამ თანხის შედეგად მივიღოთ პროდუქტი, რომელიც არ იქნება თანამედროვე, საინტერესო. ჩვენ გვინდა, რომ ეს იყოს ჭეშმარიტად საზოგადოების ინტერესების გამომხატველი ტელევეზია.
ჩვენ მივესალმებით საზოგადოებრივ მაუწყებელში დაყწებულ პროცესს, პოლემიკას, მაქსიმალურ ჩართულობას იმისთვის, რომ იყოს სხვადასხვა მიდგომის ჭიდილი. დარწმუნებული ვართ და გვინდა გვქონდეს იმედი, რომ შედეგად პროცესები წარიმართება ცივილურად და მივიღებთ ისეთ ტელევიზიას, რომელსაც იმსახურებს თითოეული ჩვენი მოქალაქე, რომელიც იხდის ამის საფასურს.
მინდა, წარმატება ვუსურვო საზოგადოებრივ მაუწყებელს და მინდა, გამოვთქვა იმედი, რომ გარკვეული პერიოდის შემდეგ ჩვენ მივიღებთ იმ პროდუქტს და ისეთ საზოგადოებრივ მაუწყებელს, რომელიც იქნება თამაედროვე, ძალიან საინტერესო და მას დაეკისრტება ძალიან დიდი ფუნქცია მთელი ქვეყნის მასშტაბით“,- განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე