თურქეთში საჯარო სამსახურიდან 4 464 ადამიანი გაათავისუფლეს, - ამის შესახებ Anadolu იუწყება.

მედია საშუალების ინფორმაციით, საკადრო ცვლილებები განათლების სამინისტროში მოხდა. უწყებიდან 2 585 თანამშრომელი დაითხოვეს. გარდა ამისა, 893 ჟანდარმერიიდან, 88 კი ტელეკომპანია TRT-დან.

მედიის ცნობით, გათავისუფლებულ თანამშრომლებს 2016 წლის ივლისში მომხდარ სამხედრო გადატრიალების მცდელობასთან კავშირი ედებათ ბრალად.

შეგახსენებთ, რომ ამბოხი თურქეთში გასული წლის 15 ივლისს მოხდა. შეტაკებების შედეგად 230-ზე მეტი ადამიანი გარდაიცვალა, ხოლო 2 100-ზე მეტი მოქალაქე მძიმედ დაშავდა.

თურქეთის ხელისუფლება სამხედრო გადატრიალების მცდელობას მუსლიმ მქადაგებელ ფეთჰულა გიულენს აკისრებს, რომელიც აშშ-ში ცხოვრობს და მის ექსტრადიციას ითხოვს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე