„რუსთავის აზოტის“ ქარხნიდან გათავისუფლებული მუშები და საქართველოს პროფესიული კავშირის წევრები თავისუფლების მოედანზე მდებარე „საქართველოს ბანკის“ ცენტრალურ ფილიალთან საპროტესტო აქციას მართავენ.

გათავისუფლებული მუშები სამსახურში აღდგენას და შრომითი კონტრაქტების გაუმჯობესებას ითხოვენ. მათ ასევე საკრებულოს თავმჯდომარეს, გიორგი ალიბეგაშვილს მიმართეს და დახმარება სთხოვეს.

 „ბანკების დიქტატურას და იმ ნეოლიბერალურ, ველურ კაპიტალიზმს არ ყოფნის ეს კომპენსაცია, იმიტომ, რომ ეს ხალხი, ვისაც აქ ხედავთ, არიან ბანკის ტყვეები. მათ აქვთ კრედიტები, ისინი თავისი ხელფასით, თავისი შრომით ემსახურებოდნენ ამ კრედიტებს, ხვალ შანსი აღარ აქვთ, რომ ეს გადასახადი გადაიხადონ, ამიტომ მათ მოუწევთ საცხოვრებლის გაყიდვა, ან ბანკი გაუყიდით. ეს არის ჩვენი, საქართველოს მოსახლეობის 90%-ის პრობლემა. ეს უნდა დასრულდეს საქართველოში. კაბალურია ის პირობები, რომელიც დასაქმებულ ადამიანებს საქართველოში აქვთ“, - განაცხადა პროფესიული კავშირების თავმჯდომარე ირაკლი პეტრიაშვილმა.

ცნობისთვის, საპროტესტო აქცია ვარდების მოედანზე დაიწყო, შემდეგ კი, აქციის მონაწილეებმა მსვლელობით თავისუფლების მოედანზე გადაინაცვლეს. მსვლელობისას სამართალდამცველებსა და აქციის მონაწილეებს შორის ფიზიკური დაპირისპირებაც მოხდა. დაპირისპირების მიზეზი გზის სავალი ნაწილის გადაკეტვის მცდელობა გახდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება