6 თებერვლიდან 28 თებერვლის ჩათვლით, საქართველოს ფინანსთა სამინისტროს აკადემია იწყებს ღია ლექციების ციკლს, რომლის განმავლობაში აკადემიის ექსპერტები და ტრენერები შეხვდებიან დაინტერესებულ პირებს, განიხილავენ სხვადასხვა მნიშვნელოვან საკითხსა და თემას.

ღია ლექციების მიზანია, საზოგადოება გაეცნოს აკადემიის საქმიანობის ძირითად მიმართულებებს, საგანმანათლებლო პროგრამებსა და სასწავლო კურსებს.    

ამ ეტაპზე, შერჩეულია 15 თემა, მათ შორისაა:

საერთაშორისო დაბეგვრა;

საგადასახადო აუდიტის სახეები, მიმდინარეობის პროცესი, აუდიტის განხორციელება;

საინვესტიციო გადაწყვეტილებები და ფულის ღირებულება დროში;

ძირითადი აქტივების აღრიცხვის თავისებურებები საჯარო სექტორში;

ცვლილებები სახელმწიფო შესყიდვებში;

საბაჟო პროცედურების, გაფორმებისა და დაბეგვრის სიახლეები;

ფინანსური ანგარიშგების კომპონენტების მომზადებისა და წარდგენის ზოგადი საფუძვლები საჯარო სექტორში;

დღგ-ს  გადამხდელთათვის სავალდებულო რეგისტრაციაზე დადგომის წესი.

ერთ მსმენელს დარეგისტრირება შეუძლია მხოლოდ სამ ღია ლექციაზე. თითოეული შეხვედრის ხანგრძლივობაა 2 საათი. დასწრება უფასოა. საინტერესო შეხვედრებზე რეგისტრაცია შესაძლებელია ფინანსთა სამინისტროს აკადემიის ოფიციალურ ვებგვერდზე:

http://www.mofacademy.ge/4483

დამატებითი ინფორმაციისთვის შეგიძლიათ დარეკოთ შემდეგ ნომერზე: +995 32 2261026 (1119); +995 599 447755 ნინო გვარამაძე.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლიტერატურული პრემია „საბას“ 2026 წლის ფინალისტები ცნობილია

მერცი: აშშ-მ გერმანიისთვის Tomahawk-ის მიყიდვას დაამტკიცა

კალაძე: ბიძინა ივანიშვილი საქართველოს უახლეს ისტორიაში მართლაც ოქროს ასოებით ჩაიწერება

ISFED-მა იმედის 26 მაისის ქარდის მომწონებლებს შორის 1 500-ზე მეტი ტროლ-ბოტი გამოავლინა